zamooz network(സമൂസ് നെറ്റ് വര്‍ക്ക് )

2011-10-09T07:30:00.000-07:00

Respectedteacher,my dear friends,

Today herewe have all got the same subject to describe about plants, trees and flowers.

So with allof your permission let me start…

We are living in this beautiful world. Plants,Trees, flowers, it isgreat,amazing!

It is wonderful word. We are living in beautiful nature.Of course It is creation of God. God isgreat.
We have to enjoy the trees,flowers fruits .We have noright to spoil it. Let us keep it clean, green and fresh.
Trees and Plants life is an essential part of our nature.More of our life depends on this plants kingdom.
They provide shelter, food and wood. Some of the plantshave medicine. They give us good health.
Above all, trees are responsible for the rainfall whichis so essential for life in earth.
They give out oxygen which is our breath. We arepolluting the environment by smoke released from
factories and chemical industries.. As we look around we can see that alot of the things we have, are made
of wood. The chair teacher sitting on, , the bench and desk, the pencils we use to write .How manytrees
had to be cut down to makeall of the furniture in our school. People also waste alot of paper without
thinking about recyclingprocess . So think twice when we waste the paper. Flowersare really beautiful.
They appear in thousands of colors and different smell .Beescollect honey from flowers and stored in their
hive. we used this honey for various purpose.We preparebouquets with flower for our honorableguests.
Scents are drawn from flower and are so costly. We usedflower extract to prepare so many medicine .
I think my few words may not be bored . I love my

India

,I promise I will not do any harmful work to destroy
our beautiful nature. Jai Hind .
For Muzammal / School Elocutioncompetition viii std A..GHS Mookkuthala: 10.10.2011

2011-10-06T07:18:00.000-07:00

RASIYA'S SPECIAL CHILLI CHICKEN

RASIYA'S SPECIAL KOONTHAL ROST

2011-09-16T17:56:00.000-07:00

ഊട്ടി

2011-09-16T08:26:00.000-07:00

വഴിക്കടവ്,ഗൂഡല്ലൂര്‍ വഴി ഊട്ടിയിലെത്തി മേട്ടുപാളയം,കൊയമ്പത്തൂര്‍ പാലക്കാട് വഴി ചങ്ങരംകുളം 14.02.2011

തേസ്ഗാവിലേക്ക് ഷാജിയുമൊത്തു ഒരു ബിസിനസ് ട്രിപ്പ് 29.03.2011

2011-09-16T07:50:00.000-07:00

തേസ്ഗാവ് (ഗോവയില്‍ നിന്നും മിറാജ് വഴി സാംഗ്ലിയില്‍ ഇറങ്ങി 30 കിലോമീറ്റര്‍ ബസില്‍ സഞ്ചരിച്ചാല്‍ തേസ് ഗാവിലെത്തും) മഹാരാഷ്ട്രാ ബോര്‍ടര്‍ ആയി വരും ഈ സ്ഥലം.

sangli bus stand

thesgav(tesgoan)

തിരുവന്തപുരം..നാഗര്‍കോവില്‍..കന്യാകുമാരി..ഒരു ഫാമിലി സപ്പോര്‍ട്ട് സന്ദര്‍ശനം ഒരു ദിവസം അനന്തപുരിയിലും ഒരു ദിവസം ഉദയാസ്തമനങ്ങളുടെ നാട്ടിലും

2011-09-16T06:51:00.000-07:00

തിരുവനന്തപുരം സെന്‍ട്രല്‍ റയില്‍വേ സ്റ്റേഷന്‍

തലക്കെട്ട് ചേര്‍ക്കുക

agra ...kalka...shimla..ആഗ്രയിലൂടെ താജ്മഹല്‍ കണ്ടതിനുശേഷം ഡെല്‍ഹി, കല്‍ക്ക വഴി ഷിംല ഞങ്ങള്‍ സലിം,ബഷീര്‍,ശങ്കര്‍ നടത്തിയ ഒരു നീണ്ട യാത്ര ഇവിടെ പ്രതിപാതിക്കാന്‍ തുടങ്ങുന്നു. കാത്തിരിക്കുക.... സലിം

2011-09-16T06:04:00.000-07:00

agra

tajmahal

kalka

shimla

kufri

shimla helipad

shimla city

shimla mall road

shimla bazar

towards kalka

സൈലന്റ് വാലിയിലൂടെ....

2011-09-15T02:58:00.000-07:00

ദേശീയോദ്യാനങ്ങളില്‍ ഏറ്റവും പ്രാധാന്യം അര്‍ഹിക്കുന്നു സൈലന്റ്വാലി.പ്രകൃതി സ്നേഹികളും സഞ്ചാര പ്രിയരും വനത്തെ അടുത്തറിയാന്‍ ശ്രമിക്കുന്നവരും ഒരിക്കലെങ്കിലും കണ്ടിരിക്കേണ്ട വനമാണിത്.സൈലന്റ് വാലിയുടെ പ്രാധാന്യം മനസ്സിലാക്കി കേന്ദ്രസര്‍ക്കാര്‍ 1984 നവംബര്‍ 15 നഉ ഈ സ്വര്‍ഗ്ഗ ഭൂമിയെ നാഷണല്‍ പാര്‍ക്കാക്കി ഉയര്‍ത്തി.സൈലന്റ്വാലിയുടെ അതിരുകള്‍ എന്നു പറയാവുന്നത് കിഴക്ക് അട്ടപ്പാടി വനങ്ങളും വടക്കും പടിഞ്ഞാറും നിലമ്പൂര്‍ വനവും തെക്ക് നീലഗിരിയുമാണ്.
ഒരുപാടു വര്‍ഷങ്ങള്‍ക്കു മുന്നെ നടന്ന ഒരു യാതയാണിവിടെ പ്രതിപാതിക്കുന്നത്.ചുരുക്കി പറഞ്ഞാല്‍ 23 വര്‍ഷങ്ങള്‍ക്കു മുമ്പ് ..ഒന്നു കൂടി ക്രൃത്യമായിട്ടാണെങ്കില്‍ 17.05.1988 ചൊവ്വ ഒരു പെരുന്നാള്‍ ദിവസം.അന്നെഴുതിയ യാത്രാ വിവരണം അതേപോലെ ഒരു മാറ്റവുമില്ലാതെ കുറിക്കട്ടെ..പിഴവുകള്‍ നമുക്കു പൊറുക്കാം..കൊച്ചായിരിക്കുമ്പോള്‍ എഴുതിയതല്ലേ!
സൈലന്റ് വാലിയിലൂടെ
ഇന്നു പെരുന്നാള്‍,വീട്ടില്‍ ഭക്ഷണ പദാര്‍ത്ഥങ്ങളുടെ കളിയാണ്..തലയില്‍ മുഴുവന്‍ യാത്രയാണ്.ഉച്ച ഭക്ഷണം കഴിച്ച് എല്ലാവരോടും യാത്ര പറഞ്ഞ് സഞ്ചി തോളിലിട്ട് വാരിയര്‍ മൂലയിലേക്കു നടന്നു. അവിടെ കാദര്‍,പ്രകാശന്‍,കണ്ണന്‍,മണിയന്‍,കാലിദ് എന്നിവര്‍

നില്‍പുണ്ടായിരുന്നു.അഗ്ഗൌത്താടെ മകന്‍ മൊയ്തുണ്ണിയുടെ അംബാസഡര്‍ കാറില്‍ ചങ്ങരംകുളത്തിനു വിട്ടു.ബി കെ ടി യില്‍ കുന്നംകുളത്തേക്കും അവിടെ നിന്നിം മറ്റൊരു ബി കെ ടി ബസില്‍ മണ്ണാര്‍ക്കാട്ടേക്കും.മണ്ണാര്‍ക്കാട്ടു നിന്നിം ആനക്കട്ടിക്കു ട്രാന്‍സ്പോര്‍ട്ട് ബസും കിട്ടി.അങ്ങിനെ മാസങ്ങളോളമായി മനസ്സില്‍ താലോലിച്ചു സങ്കല്‍പ്പിച്ചിരുന്ന യാത്ര തുടങ്ങിക്കഴിഞ്ഞു.കേരളത്തില്‍ ഒട്ടു മിക്ക കാടുകളും നശിച്ചുകൊണ്ടിരിക്കയാണ്.ഇന്ത്യയിലൊട്ടുക്കും പ്രത്യേകിച്ച് കേരളത്തില്‍ പ്രശസ്തിയാര്‍ജ്ജിച്ച ഇടതൂര്‍ന്ന വനങ്ങളിലൊന്നാണല്ലൊ സൈലെന്റ്വാലി.സൈലെന്റ്വാലി നാഷണല്‍ പാര്‍ക്കാക്കിയതിന്റെ പിന്നിലെ ചേതോവികാരവും മറ്റൊന്നാകാന്‍ തരമില്ല.ഇംഗ്ലീഷുകാരാണ് ഈ വനത്തിനു സൈലെന്റ് വാലി എന്നു പേരിട്ടത്.
ഒരു മാസമായി യാത്രക്കുള്ള ഒരുക്കങ്ങള്‍ തുടങ്ങിയിട്ട്.കിട്ടാവുന്നത്ര ബുസ്തകങ്ങളും പരിചിതരില്‍ നിന്നുമുള്ള അറിവും എല്ലാം കൊണ്ടും രൂപപ്പെട്ട് ധൈര്യവും ഒന്നുമാത്രമായിരുന്നു ഞങ്ങളുടെ കൈമുതല്‍.സന്ധ്യ കഴിഞ്ഞിരുന്നു മണ്ണാര്‍ക്കാട്ടു നിന്നും 20 കിലോ മീറ്റര്‍ അകലെയുള്ള മുക്കാലിയിലെത്താന്‍.ചുറ്റുപാടും മലനിരകള്‍.അതിനിടയിലൂടെ വളഞ്ഞു തിരിഞ്ഞു പോകുന്ന മണ്ണാര്‍ക്കാട് അഗളി റോഡ്.മുക്കാലിയില്‍ നിന്നും സൈലന്റ്വാലിയിലെത്താന്‍ 23 കിലോ മീറ്ററോളം നടക്കണം.വാലിയില്‍ പ്രവേശിക്കാന്‍ വനം വകുപ്പില്‍ നിന്നും പ്രത്യേക അനുവാദം ലഭിക്കേണ്ടതുണ്‍ട്.ഞങ്ങള്‍ മുന്നെതന്നെ പെര്‍മിഷനു ഡി എഫ് ഒ ക്കു എഴുതിയിരുന്നു.ഡി എഫ് ഓയെ കണ്ടു പെര്‍മിഷന്‍ എല്ലാം ശരിയാക്കി മുക്കാലിയില്‍ തന്നെയുള്ള 7 രൂപക്കു ഒരു റൂം എടുത്തു.

ഒന്നു ഫ്രെഷ് ആകാന്‍ വേണ്ടി ഒന്നു കുളിക്കയും മറ്റും ചെയ്യാമെന്നു കരുതി അടുത്തുള്ള പുഴയിലേക്കു നടന്നു.ഇരുട്ടു നല്ലവണ്ണം ഉണ്ടായിരുന്നു.എല്ലാവരുടേയും കയ്യില്‍ ടോര്‍ച്ചുണ്ട്.പുഴയിലെത്തി.കാലിദും പ്രകാശനും പെട്ടന്ന് തിരിച്ചോടുന്നതു കണ്ടു.ആനയുടെ മണം നല്ലവണ്ണം അടിക്കുന്നുണ്ട്.പിറകെ ഒരൊച്ചയും കേട്ടു.ഞങ്ങളും ഓടടാ ഓട്ടം.പ്രകാശന്‍ ചളിക്കുണ്ടില്‍ വീണു അവിടെ നിന്നും എഴുണ്ണേറ്റു വീണ്ടും ഓടി.ആകെ ഭയന്നു വിറച്ചു റൂമിലേക്കു തിരിച്ചു വന്നു.ഇപ്പോള്‍തന്നെ ഈ ഗതിയാണെങ്കില്‍ നാളെ എന്തായിരിക്കും എന്നു ഞങ്ങള്‍ ചിന്തിച്ചു.അടുത്ത റൂമിലെ ആള്‍ പറയുമ്പോഴാണ് അത് കാട്ടാനയല്ല നാട്ടാനയാണെന്നറിയുന്നത്.
കുറച്ച് അരി,കത്തികള്‍,ടോര്‍ച്ച്,തോര്‍ത്ത്,ബെഡ്ഡ് ഷീറ്റ്,തേങ്ങ പൂള്‍,അവില്‍,കലം,മുളകുപൊടി,ഉപ്പ് എന്നിങ്ങനെ ഒരുപാടു സാധനങ്ങള്‍ കരുതിയിരുന്നു.അടുത്ത ദിവസത്തെ യാത്രയുടെ അവസാനവട്ട ചര്‍ച്ചകള്‍ കഴഇഞ്ഞു ഉറങ്ങാന്‍ കിടക്കുമ്പോള്‍ 11 മണി കഴിഞ്ഞിരുന്നു.
കാലത്തു ആറുമണിക്കു എഴുന്നേറ്റു.അടുത്തുള്ള ചായപ്പീടികയില്‍ നിന്നും ചായ കുടിച്ച് വനം വകുപ്പിന്റെ ഗാര്‍ഡ് രൂമില്‍ പോയി പെര്‍മിഷന്‍ കോയിന്‍ വാങ്ങി യാത്ര തുടങ്ങി.

ശരിക്കുള്ള റോഡിലൂടെ കുറെ നടന്നു ഒരു കുറുക്കു വഴിയിലൂടെ ഇറങ്ങി .ഒറ്റയടിപ്പാതയിലൂടെ ആയി പിന്നെ യാത്ര.കയറ്റ്വും ഇറക്കവും വേണ്ടുവോളം.ഞാന്‍ സഞ്ചിയുടെ ഭാരം ബാലന്‍സ് ചെയ്യുന്നതിനു വേണ്ടി തോളില്‍ നിന്നും സഞ്ചി കഴുത്തിലേക്കു ഇട്ടു.കാട്ടാര്‍ ഒഴുകുന്ന ശബ്ദം ഉച്ചത്തില്‍ കേട്ടുകൊണ്ടിരുന്നു.ഇപ്പോള്‍ ഞാനാണു മുന്നില്‍ നടക്കുന്നത് പ്രകാശന്‍ തൊട്ടു പിന്നിലും.വലിയൊരു കുന്നിന്‍ ചെരുവ്,കുന്നിന്റെ ഈറ്റവും അടിത്തട്ടിലായി കുറുകെ ഒഴുകുന്ന പുഴ.പിടിച്ചു പിടിച്ചു ഒരുവിധം പുഴക്കരികത്തേക്കെത്തി.അതിന്നടുത്തായി ആദിവാസികള്‍ എന്തൊക്കെയോ മുറിച്ചുകൊണ്ടിരിക്കുന്നതും കാണുന്നുണ്ട്.

ഇനി കുളിച്ച് ഫ്രെഷ് ആയി ഭക്ഷണം കഴിച്ചിട്ടു വേണം തുടരാന്‍ കരുവായൂരിനടുത്തു കൂടെ ആദിവാസികള്‍‍ക്ക് അനുഗ്രഹമായി താളം തല്ലിയൊഴുകുന്ന ഭവാനിപ്പുഴ.പുഴയിലങ്ങിങ്ങായി ഉരുട്ടിയിരിക്കുന്ന ഉരുളന്‍ പാറകള്‍ പാറകള്‍ക്കു വഴുക്കലുമുണ്ട്.വെള്ളത്തിനു ഐസിനേക്കള്‍ തണുപ്പ്.പുഴക്കു തീരെ ആഴമില്ല എന്നാല്‍ നല്ല ഒഴുക്കുണ്ട്.കുറച്ചു സമയത്തിനുള്ളില്‍ പല്ലു തേക്കലും കുളിക്കലും നടത്തി.ലാത്തി പോലത്തെ കുറെ വടികള്‍ ഉണ്ടാക്കി ഓരോരുത്തരും കയ്യില്‍ കരുതി.തേങ്ങയും ശര്‍ക്കരയും അവിലില്‍ ചേര്‍ത്തു കഴിച്ചു.പ്രാതല്‍ കുശാല്‍.വീണ്ടും നടന്നു നീങ്ങി.ഒരു കുറുക്കു വഴിയിലൂടെ കുന്നു കയറിയതു വെറുതെ ആയിരുന്നു വഴി തെറ്റി.അടുത്തു കണ്ട ഒരാദിവാസി പെണ്ണിനോടു ചോദിച്ചു മറ്റൊരു വഴിയിലൂടെ യാത്ര തുടര്‍ന്നു.വളരെ കട്ടികൂടിയ പുല്‍ക്കാട്ടിലൂടെ കുന്നിന്‍ മുകളിലേക്കു പ്രെവേശിച്ചു റോഡിലേക്കു കയറി അവിടെ നിന്നും വഴി തിരിഞ്ഞ്

മറ്റൊരു കുറുക്കു വഴി കയറി വിശ്രമിക്കാനെന്നോണം ഇരുന്നു.കയ്യിലുണ്ടായിരുന്ന വാഴപ്പഴം തിന്നു തീര്‍ത്തു.
വഴിയിലൂടെ നടന്നു നീങ്ങുമ്പോള്‍ ചുടുപാടുകളില്‍ മൊട്ട കുന്നുകള്‍,ചില ഭാഗങ്ങളിലായി കൊടും കാടും.അവിടെയൊക്കെ പറന്നു ചെന്ന് പഴങ്ങള്‍ തിന്നു പക്ഷികളോടും മ്രൃഗങ്ങളോടും കുശലം ചോദിക്കാന്‍ ഞാന്‍ ആഗ്രഹിച്ചുപോയി.
വിരളമായ മഴക്കാടുകളാല്‍ സമ്പന്നമാണ് സൈലെന്റ് വാലി.അതിവിശേഷമായ ഭൂപ്രക്രൃതിയും അത്യപൂര്‍വ്വങ്ങളായ നിത്യഹരിത വനങ്ങളും ഒത്തു ചേര്‍ന്ന ഇവിടെ അത്യപൂര്‍വ്വമായി കാണപ്പെടുന്ന ചെവിയന്‍ വവ്വാല്‍,

സിംഹ വാലന്‍ കുരങ്ങ്,മര നായ,തുടങ്ങീ 315 ഓളം ജന്തുക്കളുണ്ട്.കരിങ്കുരങ്ങ്,മ്ലാവ്,മാന്‍,മുള്ളന്‍ പന്നി,പുള്ളിപ്പുലി,ചെങ്കീരി,വെരുക്,വരയാട്,കാട്ടു പന്നി,കാട്ടു പൂച്ച,കടുവ,കരടി,കരിമ്പുലി,ആന,മലയണ്ണാന്‍,കാട്ടു മുയല്‍,ഈനാമ്പേച്ചി,ഉടുമ്പ് എന്നിങ്ങനേയും ഈ ഗണത്തില്‍പ്പെടും.ഇരുനൂറോളം പക്ഷികളും എണ്ണിയാലൊടുങ്ങാത്ത വ്രൃക്ഷലതാതികളും പെടും.കാടിന്റെ അതിവിശിഷ്ടമായ പച്ച മണവും സൌമ്യമായ നാദവും സൈലന്റ് വാലിയെ മഹിമാനുഭൂതിയുടെ ഈറ്റില്ലമാക്കുന്നു.വനാന്തരങ്ങളില്‍ സാധാരണ കേള്‍ക്കുന്ന ചീവീടുകളുടെ നിലക്കാത്ത ശബ്ദം ഇല്ലാത്തതിനാല്‍ ഇവിടം നിശബ്ദ താഴ്വരയായി അറിയപ്പെട്ടു തുടങ്ങി.
ഒരു വലിയ കയറ്റം.ചെറിയ ഒതുക്കുകളേ ഉള്ളൂ കയറാന്‍,വഴുക്കലും ഉണ്ട്.ആ കുന്നു കയറി വീണ്ടും റോഡിലെത്തി.ഞങ്ങള്‍ നീങ്ങിക്കൊണ്ടിരിക്കുമ്പോള്‍ ഒരു ജീപ്പ് കടന്നു പോയി.ഗോപാലക്രൃഷ്ണനും വിജയലക്ഷ്മി ടീച്ചറും ആണെന്നു പ്രകാശന്‍ പറഞ്ഞു.ഞങ്ങള്‍ അവര്‍ക്ക് അഭിവാദ്യം ചെയ്തു തിരിച്ചവര്‍ ഞങ്ങള്‍ക്കും.സമീപത്തു നിന്നും ഒരൊച്ച കേട്ടു,ഭയന്നു വിറച്ച് ഞങ്ങള്‍ക്കു അധികം താമസിയാതെ മനസ്സിലായി അതു സിംഹവാലന്‍ കുരങ്ങാണെന്ന്.അപ്പോഴേക്കും കാലുകളിലാകെ അട്ട കടിച്ചു തൂങ്ങിയിരുന്നു.ചോര കുടിച്ചു ഞാഞൂള്‍ പോലെ വീത്തു കിടക്കുന്നു.തികച്ചും വ്രൃത്തികെട്ട സാധനം.അട്ടക്കുമേല്‍ ഉപ്പിടുന്ന നിമിഷം അതു കൊഴിയും,പിന്നെ ചൊരിച്ചില്‍ മാടാന്‍ മഞ്ഞള്‍പൊടി കൊണ്ടു ഉരതിയാല്‍ മതിയാകും.ഇടക്കിടെ മുള്ളന്‍ പന്നിയുടെ മുള്ളുകള്‍ കിട്ടിക്കൊണ്ടിരുന്നു.ആനച്ചാലുകളും ആനപ്പിണ്ഠങ്ങളും കൂടുതല്‍ കണ്ടു തുടങ്ങി.ഇടക്കിടെ വെള്ളം കുടിച്ചു ദാഹം അകറ്റികൊണ്ടിരുന്നു.കൂടുതല്‍ ഭാരമുള്ള ഭാണ്ഡങ്ങള്‍ ഓരോരുത്തരായി മാറി മാറി പിടിച്ചു കൊണ്ടിരുന്നു.തോളില്‍ മുഴകള്‍ പ്രത്യക്ഷപ്പെട്ടു തുടങ്ങി.

ഇപ്പോള്‍ ഞങ്ങള്‍ ഇരിക്കുന്നത് 10 ആം ഗേറ്റിനടുത്തുള്ള പാലത്തിലാണ്.വീണ്ടും അവിലും ശര്‍ക്കരയും തേങ്ങയും കല്ലും കൂട്ടി തിന്നു ഒപ്പം ചെറു നാരങ്ങയും ഉപ്പും ചേര്‍ത്ത വെള്ളവും.വാലിയിലെത്തിയതിനു ശേഷം ഊണ്‍ ഉണ്ടാക്കാമെന്നും കരുതി.
ഇവിടന്നങ്ങോട്ടു നാഷണല്‍ പാര്‍ക്ക് തുടങ്ങുന്നു.കുറച്ചങ്ങോട്ടു യൂക്കാലിപ്സ്റ്റ് കാടാണ്.കാട് ഒരുപാട് ദൂരം കത്തിച്ചാമ്പലായി ഞെട്ടിക്കുന്ന കാഴ്ച്ച ആയിരുന്നു പിന്നീട് കണ്ടത്.എത്ര മ്രൃഗങ്ങള്‍ വെന്ത്തു മരിച്ചു കാണും,ഒരു പക്ഷെ വംശ നാശം വന്നു കൊണ്ടിരിക്കുന്ന അത്യപൂര്‍വ്വം പക്ഷികളും മ്രൃഗങ്ങളും ചത്തൊടുങ്ങിയിരിക്കും.ഘോര വനത്തിലേക്ക് പ്രവേശിച്ചു തുടങ്ങി.വേളിച്ചം കുറഞ്ഞു വരുന്നു.മലിനപ്പെടാത്ത വായു ആവോളം വലിച്ചു വിട്ടു.ഒരു ഭാഗം വളരെ താഴ്ച്ചയിലും മറു ഭാഗം മലയും.ഈ മലകൂടി കയറിക്കഴിഞാല്‍ സൈലന്റ്വാലിയെത്തുമെന്ന് കാദര്‍ പറഞ്ഞു. വലിയ മരം നിലം പൊത്തി കിടപ്പുണ്ടായിരുന്നു.എന്തൊരു വലിപ്പം, ഞങ്ങള്‍ മരത്തിനു മുകളിലൂടെ നടന്നു,കിടന്നു,ഫൊട്ടോകള്‍ എടുത്തു.അതിന്നടുത്തായി മറ്റൊരു മരം അതിന്റെ കാണ്ഠ ഭാഗത്തിനു വലിയൊരു സുഷിരമുണ്ട്,അതിലൂടെ നോക്കിയല്‍ ആകാശം വ്യകതമായി കാണത്തക്ക രീതിയില്‍ ഉള്‍ഭാഗം പൊള്ളയാണ്.അടുത്തു കണ്ട പാലത്തിന്റെ മുകളില്ിരുന്നു.തെങ്ങാപ്പൂള്‍ വീണ്ടും കഴിച്ചിട്ട് ഇനിയും എത്രയാണാവോ നടക്കാനുണ്ടാക എന്നു വേവലാതിപ്പെട്ടു.മഴ സ്വല്‍പാല്‍പ്പമായി തുള്ളിയിട്ടു.കാദറിന്റെ കയ്യില്‍ നിന്നും അരി നിലത്തു വീണു.ഭാഗ്യത്തിനു കുറച്ചേ അരി നഷ്ടമായുള്ളൂ.വീണ്ടും അരി തുണിയില്‍ കെട്ടി മഴ കൊള്ളാത്ത രീതിയില്‍ തലയില്‍ വെച്ചു
ആയാസത്തോടെ കാദര്‍ നടന്നു.5 മിനുട്ടില്‍ കൂടുതല്‍ മഴ പെയ്തില്ല.രണ്ടു വളവു കൂടി പിന്നിട്ടു കാണും വഴിക്കു കുറുകെ ഒരു കാട്ടരുവി ഒലിച്ചുകൊണ്ടിരിക്കുന്നു.മടിയനായ മണിയന്‍ കന്നാസില്‍ വെള്ളം നിറച്ചു.എല്ലാവരും വീണ്ടും നടന്നു നീങ്ങി.

കഷ്ടി നാലു കിലോ മീറ്ററോളം നടന്നു കാണണം ഒരു ബോര്‍ഡ് സ്വാഗതം ചെയിതിരിക്കുന്നു " നിങ്ങള്‍ സൈലന്റ്വാലിയിലേക്ക് പ്രവേശിച്ചിരിക്കുന്നതായി ".തൊട്ടടുത്ത് അണ്ണാച്ചികള്‍ പൈപ്പ് ലൈന്‍ നേരെയാക്കുന്നുമുണ്ട്.3.30നു ഞങ്ങള്‍ സൈലന്റ്വാലിയിലെത്തി.തളര്‍ന്ന കൈകാലുകളും അതി തീക്ഷണമായ വിശപ്പും ഞങ്ങളെ വേട്ടയാടി.ഇത്രയും നടന്നതിന്റെ ഹാങ്ങോവര്‍.തോളിലെ ഭാണ്‍ഠങ്ങളെല്ലാം കെ എസ് ഇ ബി ഷെഡില്‍ ഇറക്കിവെച്ചു.തോളിലെ മുഴകള്‍ക്കു എത്നോറബ് ക്രീം പുരട്ടിഅടുത്തുള്ള പുല്‍മേടില്‍ പോയിരുന്നു.മറ്റുള്ളവര്‍ ഭക്ഷണം പാകം ചെയ്യാനും.

സൈലന്റ്വാലിയുടെ ടോപ്പിലാണു ഞാനിപ്പോള്‍ ഇരിക്കുന്നത്.സത്യമായും പ്രൃകൃതി ഒരു വിരുന്നൊരുക്കിയിരിക്കയാണ്.അതിനു പൂക്കളുടെ സുഗന്ധമുണ്ട്,പച്ചപ്പിന്റെ വര്‍ണ്ണച്ചായയുണ്ട്.ഇതിലെല്ലാം ലയിച്ച് ചുറ്റുപാടിലുള്ള വനവും പക്ഷിമ്രൃഗാദികളും ആടിപ്പാടിക്കൊണ്ടിരിക്കുന്നു.ഇവിടെയിരുന്നാല്‍ അങ്ങകലെ കുത്തിയൊലിക്കുന്ന കുന്തിപ്പുഴ കാണാം.നീലക്കുറിഞ്ഞി പൂക്കുന്ന നീലഗിരി,ഊട്ടി മലകള്‍ എല്ലാം പശ്ചിമഘട്ടത്തിലായി കാണാം.ഇവിടെ നിന്നും 60 കിലോ മീറ്റര്‍ നടന്നാല്‍ ഊട്ടിയിലെത്താമെന്നാണു അറിയാന്‍ കഴിഞ്ഞത്.

കുറ്റിപ്പുറം ഇ എസ് ഐ യിലെ രാജീവ് വെച്ചുതന്ന അച്ചാര്‍റും അണ്ണാച്ചികളുടെ കയ്യില്‍ നിന്നും രസവും കൂട്ടി കഞ്ഞി വയര്‍ നിറയെ കഴിച്ചപ്പോള്‍ വളരെ ആശ്വാസം തോന്നി.പ്രകാശന്‍ വളരെ ബുദ്ധിമുട്ടി ഡി എഫ് ഓവില്‍ നിന്നും സൈലന്റ്വാലിയില്‍ താമസിക്കാന്‍ അനുവാദം വങ്ങിച്ചിരുന്നു.സാധാരണ ഇവിടെ തങ്ങുവാന്‍ ആരേയും അനുവദിക്കാറില്ല.ഷെഡിന്നടുത്തുള്ള ബാത് റൂമില്‍ നിന്നും കുളിച്ചു ഷെഡില്‍ കയറിക്കിടന്നു.ആ രാത്രി ഈ ഘോര വനത്തില്‍ നിന്നുള്ള ശബ്ദകോലാഹലങ്ങളൊന്നും ഞങ്ങള്‍ക്കു കേള്‍ക്കാന്‍ സാധിച്ചില്ല അഥവാ കിടക്കുമ്പോഴേക്കും നിദ്രാദേവി കടാക്ഷിച്ചിരുന്നു.

കാലത്തു കോച്ചുന്ന തണുപ്പുണ്ടായിരുന്നു.ഞാനും മണിയനും ഒന്നു കൂടി കിടന്നു.സ്വല്‍പ സമയത്തിനു ശേഷം ഞാനും എഴുന്നേറ്റ് ടെന്റിനു പുറത്തേക്കു വന്നു.മലകളെല്ലാം അവ്യക്തം.അത്രക്കു മഞ്ഞാണു ചുറ്റുപാടും.മെറ്റലിട്ടിരിക്കുന്ന സ്ഥലത്തേക്കു കയറി ചുറ്റുപാടും വീക്ഷിച്ചു.കാലിനു വേദനയുണ്ട്.ജീവിതത്തിലാദ്യമായിട്ടാണു ഇത്രയും നടക്കുന്നത്.അല്‍പം കൂടി നീങ്ങിയാല്‍ അഗാതമായ ഗര്‍ത്തമാണ്.തിരിച്ചു ടെന്റിലേക്കു തന്നെ നീങ്ങി.കാലിദും കണ്ണനും ചായ ഉണ്ടാക്കുന്ന തിരക്കിലായിരുന്നു.അവരോടൊപ്പം കൂടി ചായ കുടിച്ചു കുന്തിപ്പുഴയിലേക്കു നീരാടാന്‍ ഇറങ്ങിത്തിരിച്ചു.ഇവിടെ നിന്നും കുന്തിപ്പുഴയുടെ കുറുകെയുള്ള തൂക്കുപാലത്തിലേക്കു 4 കിലോ മീറ്റര്‍ ഉണ്ടത്രെ!ഈ യാത്ര ഏറ്റവും അപകടമുള്ള യാത്രയാണ്.ഈറ്റക്കാട്ടിലൂടെയാണ് നടന്നു നീങ്ങുന്നത്.ആനകള്‍ക്കേറ്റവും ഇഷ്ടപ്പെട്ട ഭക്ഷണമാണ്‍ ഈറ്റ.ആനകള്‍ വന്നാല്‍ ഈറ്റക്കാട്ടിലൂടെ രക്ഷപ്പെടാമെന്നും മോഹിക്കേണ്ടതില്ല.പെട്ടന്നു മരം മുറിയുന്ന ശബ്ധം കൂടെ ഒരലര്‍ച്ചയും.എല്ലാവരും സാവധാനം ആനച്ചാലിലൂടെയാണു നടക്കുന്നത്.ആവി പറക്കുന്ന ഫ്രെഷ് ആന പിണ്‍ഠങ്ങള്‍,അടുത്തു തന്നെ മൂത്രമൊഴിച്ചതിന്റെ പതയും,അടുത്തു തന്നെ ആനയലറുന്നതും കേള്‍ക്കുന്നുണ്ട്.ഈറ്റ ഒടിക്കുന്ന ശബ്ധം വേറെയും.പേടിച്ചു കാലുകള്‍ കൂട്ടിമുട്ടി‍.കാലിദും കാദറും തിരിച്ചു പോകാമെന്നു നിര്‍ബന്ധിക്കുന്നുണ്ട്.കുറച്ചു സമയം ഒരു വ്രൃക്ഷത്തോടു ഓരം പറ്റി അനങ്ങാതെ നിന്നു.കുറച്ചു സമയത്തേക്കു ഒരനക്കവുമില്ലാത്തതു കൊണ്ടു പ്രകാശന്‍ യാത്ര തുടരാം എന്നു പറഞ്ഞു നടന്നു തുടങ്ങി.ഈ ഭാഗം കുറച്ചു ഇരുട്ടാണ്.സൂര്യ പ്രകാശം അകത്തേക്കു പ്രവഹിക്കാന്‍ പറ്റാത്തത്രയും ഇടതൂര്‍ന്ന നിബിഢ വനമാണ്.കുറെ മരങ്ങള്‍ മറിഞ്ഞു കിടക്കുന്നു.ഇപ്പോള്‍ കുന്തിപ്പുഴയുടെ തൂക്കു പാലത്തിനു മുകളിലായിരിക്കുന്നു.

പാലത്തിനു മുകളില്‍ നിന്നും നിരവധി സ്നാപ്പുകള്‍ എടുത്തു.പാറകളില്‍ അള്ളിപ്പിടിച്ച് കുന്തിപ്പുഴയിലേക്കിറങ്ങി.കണ്ണീരിനേക്കാള്‍ വിശുദ്ധിയുള്ള വെള്ളം.ഉറുളന്‍ പാറകള്‍ അങ്ങിങ്ങായി ഉരുറ്റിയിറ്റിരിക്കുന്നതു പോലെ കിടക്കുന്നു.വലിയൊരു ശബ്ദത്തോടെയാണു പുഴ ഒഴുകുന്നത്.എല്ലാ വിധ രോഗങ്ങളേയും തടയുന്ന പ്രതിരോധശക്തിയുള്ള വെള്ളം.

കുന്തിപ്പുഴ ഏതാണ്ട് 25 കിലോ മീറ്റര്‍ ദൂരം മനുഷ്യ സ്പര്‍ഷം ഏല്‍ക്കാതെ ഇതു വഴി ഒഴുകുകയാണ്.വടക്കു നിന്നും തെക്കോട്ടേക്കാണ്‍ഊ കുന്തിപ്പുഴയുടെ യാത്ര.സമുദ്ര നിരപ്പില്‍ നിന്നും 2383 മീറ്റര്‍ ഉയരത്തിലാണു ഈ നദിയുടെ ആരംഭം.കരിമ്പുഴ,കുന്തന്‍ ചോല,കുമ്മട്ടം തോട്,വലിയ പാറത്തൊട്,ഈറമല നദി കരിങ്ങാത്തോട് തുടങ്ങിയ കാട്ടാറുകള്‍ കുന്തിപ്പുഴയിലേക്കാണ്‍ഊ ഒഴുകിയെത്തുന്നത്.ഈ പുഴക്കരികില്‍ ഒരു വീടുവെച്ചു ഇതില്‍ നിന്നെന്നും കുളിക്കുന്നതായിരിക്കും ഏറ്റവും മഹനീയം.ഒന്നര മണിക്കൂറോളം ഞങ്ങള്‍ പുഴയിലാറാടി.നടക്കുമ്പോള്‍ കാല്‍ വേദനിക്കുന്നുണ്ട്.കാലില്‍ നീരു വന്നു തുടങ്ങിയിരിക്കുന്നു.തിരിച്ചു ഷെഡിലെത്തി ഉച്ച ഭക്ഷണത്തിനു തീകൂട്ടിത്തുടങ്ങി.അപ്പഴാണു 2 ഗാര്‍ഡുകള്‍ വന്നു ലഹളക്കൂട്ടുന്നത്.അവരുടെ ഭാഷ്യത്തില്‍ ഇന്നലെ രാത്രി അവിടെ തങ്ങിയത് അരുതാത്ത തെറ്റാണ്.ഇതേവരെയും തിരിച്ചു പോയിട്ടുമില്ല.കഞ്ഞിക്കു വേണ്ടി തിളപ്പൈച്ചു കൊണ്ടിരുന്ന കലമെടുത്തു പുറത്തേക്കൊഴിച്ചു പെട്ടന്നു സ്ഥലം വിടാന്‍ പറഞ്ഞു.ക്ഷീണവും വിശപ്പും സഹിക്ക വെയ്യാതെ ഞങ്ങളും.ഞങ്ങളുടെ ഉള്ളില്‍ ഭയത്തോടെയാണങ്കിലും പക പത്തിവിടര്‍ത്തി.എന്തു ചെയ്യാം കാടായി പോയില്ലെ?ഞങ്ങള്‍ സാധനങ്ങളെല്ലാം എടുത്തു മുദ്രാവാക്യങ്ങള്‍ ഉറക്കെ ഉരുവിട്ട് നടന്നു.സ്വല്‍പ സമയത്തെ നടത്തത്തിനു ശേഷം വഴിയില്‍ ഒരു പ്ലമ്പറെ കണ്ടു.കാലിദ് കത്തി കാണിച്ചു അയാളെ ഭയപ്പെടുത്തി.ഞങ്ങളെല്ലാവരും നെക്സലൈറ്റ്കാരാണെന്നും ഏറെ കളിച്ചാല്‍ ഡി എഫ് ഓയെയടക്കം തട്ടിക്കളയുമെന്നും ഭീഷണിപ്പെടുത്തി.
കുറെ നടന്നു കാണും ഒരു പാലത്തിന്നടിയില്‍ ഇറങ്ങി കഞ്ഞി വെയ്ക്കാനുള്ള ശ്രമങ്ങള്‍ തുടങ്ങി.അവിടെ ആരോ മരത്തടികള്‍ അടുക്കിവെച്ചതുകൊണ്ടു സുരക്ഷിതമായി ഇവിടെ ഇരിക്കാം.ഒഴുകിക്കൊണ്ടിരിക്കുന്ന കാട്ടാറില്‍ നിന്നും വെള്ളം എടുത്തു കലത്തില്‍ നിറച്ചു.കലത്തിനു ചെറിയൊരു ഓട്ടയുണ്ടായിരുന്നത് പപ്പടം കൊണ്ട് അടച്ചു തീ കത്തിക്കാന്‍ തുടങ്ങി.അരി കഴുകാതെ തന്നെ അതിലേക്കു ഇട്ടു.തീ കെടുകയും വീണ്ടും കത്തിക്കയും ചെയിതുകൊണ്ടിരുന്നു പ്രകാശനും മണിയനും.കാലിദും പ്രകാശനും കൂടി മുളകും ഉപ്പും ചേര്‍ത്ത് ഒരു ചമ്മന്തിയുണ്ടാക്കി വിശപ്പു കൊണ്ടു കുറേ കഞ്ഞി കുടിച്ചു.പ്രകാശനും കാലിദും നടന്നാണു കഞ്ഞി കുടിച്ചത്.സമയം അത്രകണ്ടു വൈകിയിരുന്നു.വേച്ച് വേച്ച് മുക്കാലിയിലെ റൂമില്‍ 7 മണിയോടെ എത്തപ്പെട്ടു. ..........................................................................................................തുടരും....സലിം കെ വി മൂക്കുതല

2011-09-11T08:18:00.000-07:00

http://video.google.com/videoplay?docid=-5857473735488364304#
ഒരു ദിവസം അബുദാബിയില്‍ സലിം കെ വി കാലത്ത് കടലില്‍ കൈ കാലുകള്‍ വരിഞ്ഞുകെട്ടി പോങ്ങിക്കിടന്നതാണ് ഇതിലെ ഇതിവൃത്തം(ജീവന്‍ ടിവിയോടു കടപ്പാട്)

2011-09-04T12:20:00.000-07:00

ഞങ്ങളുടെ ലിനമോള്‍ പിറന്നത് 09.07.2011

കെ വി ഇബ്രാഹിം കുടുംബത്തിലെ വിശേഷങ്ങളിലേക്ക്

ഇതു വഴി ക്ലിക്ക് ചൈത് പോകാം http://kvibrahimhouse.blogspot.com/

2011-09-02T04:25:00.000-07:00

zamooz network mookkuthala

salim, rasiya, muzammal, hana & lina
we are five

jammu&kashmir - a visit.

2011-08-16T23:55:00.000-07:00

കാശ്മീര്‍ യാത്ര

ഒരുപാട് കാലത്തെ ഒരു ആഗ്രഹമായിരുന്നു ജമ്മു കാശ്മീരിലേക്കുള്ള യാത്ര. ഒറ്റക്കു പോകാനുള്ള ബുദ്ധിമുട്ടും ഏകാന്തയാത്ര വിരസമാകാനുള്ള അവസരങ്ങള്‍ കൂടുതലായതു കൊണ്ടും യാത്രക്കു ഒരാളെ കൂടി കണ്ടുപിടിക്കേണ്ടതു അനിവാര്യ ഘടകമായിതീര്‍ന്നിരുന്നു.നിരവധി ആളുകളുമായി ചര്‍ച്ച ചൈതെങ്കിലും അവസാനം സമ്മതം മൂളിയതു സൈനുദ്ദീന്‍ക്ക മാത്രമായിരുന്നു.ഈ കാലയിളവിലല്‍ ജമ്മു കാശ്മീരിനെ കുറിച്ചു പഠിക്കാനുള്ള അവസരവും കിട്ടി.ഒരുപാടു ദൂരം,ഒരുപാടു ദിവസം.

22.06.2010.കാലത്തു 10.20 കഴിഞ്ഞിരുന്നു വീട്ടില്‍‍ നിന്നും പുറപ്പെടാന്‍.ചങ്ങരംകുളത്തു നിന്നും ത്രിശൂരിലേക്കു കിട്ടിയ ബസ് ആകട്ടെ ലിമിറ്റഡ് എന്ന ബോര്‍ഡും വെച്ച് എല്ലായിടത്തും നിര്‍ത്തുന്ന ഒന്നും ആയിരുന്നു. 5 മിനിട്ട് മുന്നെ സ്റ്റേഷനിലെത്തി സൈനുദ്ദീന്‍ക്കായുമൊത്തു ട്രയിനില്‍ കയറി.രപ്തി സാഗര്‍ ഗൊരാക്പൂര്‍ എക്സ്പ്രെസ്സ് no:2512 മുന്നെ നേപ്പാളിലേക്കു പോകാനായി ചെക്ക് ചെയ്ത ട്രൈയിന്‍ ആയതുകൊന്‍ടു അറിയുന്ന ട്രയിനുമായി ഇത്....യാത്ര ആരംഭം ശുഭം.

ഈരോഡില്‍ ഫാര്‍മസിസ്റ്റ് പ്രദീപിനെ കണ്ടിരുന്നു.കേരളം വിട്ടാല്‍ ഒരു മെയിന്‍ സ്റ്റേഷനാണ് ഈരോഡ്..ഇവിടെ നിന്നാണു എന്‍ജിനുകള്‍ മാറ്റുന്നത്.എഞ്ചിനുകള്‍ സര്‍വീസ് ചെയ്യുന്നത്,ടാങ്കിലേക്കു വെള്ളം അടിക്കുന്നതും..ഡ്രൈവര്‍മാരുടെ ട്രാവല്‍ സ്ലിപ് കൈമാറുന്നതും ..എല്ലാംകൊണ്ടും സൌകര്യമുള്ള സ്റ്റേഷന്‍..വസ്ത്ര വ്യാപാര ഇടപാടില്‍ ഉന്നത സ്ഥാനമാണിവിടെ.പ്രദീപ് മൂന്നു വര്‍ഷമായി ബി ഫാമിനു പഠിക്കുന്നു.പൊന്നാനി ബിയ്യത്തിലാണു കക്ഷിയുടെ ഭവനം.എനിക്കു പൊന്നാനി എം.എസ്.എസില്‍ ഫാര്‍മസിസ്റ്റായി ജോലി വാങ്ങിച്ചുതന്നതും ഇദ്ദേഹം തന്നെ.
ഇപ്പോള്‍ രാത്രി 8.45 കാട്പ്പാടി സ്റ്റേഷന്‍ എത്താറായിരിക്കുന്നു.നല്ലതോതില്‍ നനുത്ത തണുത്ത് കാറ്റുന്‍ട്.ശബരിമല അയ്യനേ എന്ന ഭക്തിഗാനം അടുത്തുള്ള ദീപം കൊണ്ട് അലങ്കരിക്കപ്പെട്ട ഒരമ്പലത്തില്‍ നിന്നും ചെറുതായി കേള്‍ക്കുന്നുണ്ട്.ഭൂമി മിക്കവാറും തരിശായി,ജനവാസമില്ലാത്തതായി കിടക്കുന്നു. 2 മണിക്കൂര്‍ കഴിഞ്ഞാല്‍ ചെന്നൈയിലെത്തും.റസിയായുടെ കൈ കൊണ്ടുണ്ടാക്കിയ പത്തിരിയും ഇറച്ചിയും കഴിച്ചതുകൊന്ണ്ടു വയര്‍ ദം ആണ്. യാത്ര ഒരനുഭൂതിയായി എന്നില്‍ പടര്‍ന്നിരിക്കുന്നു.കുട്ടിക്കാലത്തെ ചില തിക്താനുഭവങ്ങള്‍,പിന്നീടതു വാശിയിലേക്ക് ..പിന്നെ പിന്നെ അതൊരു ഹാബിറ്റായി..ഇപ്പോഴോ..ഒഴിച്ചുകൂടാന്‍ പറ്റാത്തതുമായി..
തീവണ്ടി കൂകിവിളിച്ചു മുന്നോട്ടു പൊയ്ക്കൊണ്ടിരിക്കുന്നു.മഴക്കാര്‍മേഘങ്ങളാല്‍ മൂടപ്പെട്ട ഇരുണ്ട ആകാശം.ഒരു തമിഴ് സ്ത്രീയും കുഞ്ഞും അടുത്ത ബെര്‍ത്തില്‍ കിടന്നുറങ്ങുന്നു. സൈനുദ്ദീന്‍ക്കാ ഉബൈദ് മാസ്റ്ററുടെ ഒരു പുസ്തകം വായിച്ചുകൊണ്ട് കിടക്കുന്നു.ഒരു കുഞ്ഞുസ്റ്റേഷന്‍ ഇപ്പോല്‍ കടന്നു പോയി.ഡ്രവര്‍ സ്പീഡ് കൂട്ടിയിരിക്കുന്നു.ത്രിശൂരില്‍ നിന്നും 628 കിലോമീറ്റര്‍ ആണ് മദ്രാസിലേക്കുള്ളത്..അതായത് കാലത്ത് 11.30 നു യാത്ര തുടങ്ങിയാല്‍ രാത്രി 11.45നു എത്തും.2 ന്‍ഡ് ക്ലാസ്സ് സ്ലീപ്പറിനു 254 രൂപയാണു ഫെയര്‍.കാര്‍മേഘങ്ങള്‍ക്കിടയില്‍ മിന്നല്‍ പിണര്‍പ്പുകള്‍ വന്നുപൊയ്ക്കൊണ്ടിരുന്നു.ട്രയിനിന്റെ ശബ്ദത്തില്‍ ഇടിയുടെ ശബ്ദം ലയിച്ചിരുന്നു.

ശ്രീനഗറാണു മനസ്സില്‍..ഇതേവരെ കണ്ടിട്ടില്ലാത്ത ഒരിടം..പിന്നെ എന്തിനും പാകപ്പെട്ട ഞങ്ങള്‍ അങ്ങോട്ടേക്കു കുതിക്കുകയാണ്..ഒരുപാടു ദൂരങ്ങള്‍ ‍താണ്ടി..

വണ്ടി കറക്റ്റ് സമയത്തു(രാത്രി11.40)ചെന്നെയിലെത്തി.സ്റ്റേഷനിലെ തന്നെ ഒരു കഫെയില്‍ ഒന്നരമണിക്കൂറോളം അബുദാബിയിലെ ഷെഫിയുമായി ചാറ്റ് ചെയ്തു.കുറെ എസ് എം എസ് വെറ്റുവിലൂടെയും.സ്റ്റേഷനകത്ത് ഒരുപാടു ആളുകള്‍ കിടന്നുറങ്ങുന്നു.ചിലര്‍ വിരിപ്പ് വിരിച്ച്,ചിലര്‍ തറയില്‍..കുട്ടികളും സ്ത്രീകളും നായ്ക്കളും കൂട്ടത്തിലുണ്ട്. സ്റ്റേഷനിലെ മെറ്റല്‍ ഡിക്റ്ററ്റര്‍ സ്ഥാപിച്ച ഗേറ്റിലൂടെ പുറത്ത് കടന്നു.പുറത്തു നിന്നും കെട്ടിടം കാണാന്‍ ഗംഭീരം.ബസ് സ്റ്റാന്‍ടില്‍ കുറച്ചു നേരം പോയിരുന്നു.മെയിന്‍ റൊഡിലൂടെ ട്രയിലറുകള്‍ ഇരച്ചു പായുന്നു..റോഡിനു ഒരുഭാഗത്ത് ഓട്ടോറിക്ഷകളും കുറച്ച് ടാക്സികളും മാത്രം.ഒരു സെവെനപ്പ് വാങ്ങിച്ചു സ്റ്റേഷനകത്തേക്കുതന്നെ കയറി.86-ല്‍ മരുന്നു വ്യാപാരത്തിനായി കുട്ടമത്തുമായി മദ്രാസില്‍ വന്നതാണ്. പിന്നീടു വരുന്നതു ഇപ്പോല്‍ മാത്രം.സൈനുദ്ദീന്‍ക്കാ തറയില്‍ കിടന്നുറങ്ങുന്നു,..ആള്‍ ഇതിനകം അണ്ണാച്ചി ആയോ ??
അടുത്ത ട്രയിന്‍ വെളുപ്പിനു 5 മണിക്കാണ്..റസിയായും കുഞ്ഞുങ്ങളും അഗാത നിദ്രയിലായിരിക്കും..കുറച്ചു ദിവസം ക്ഷമിക്ക്.ഞാനൊന്നു കറങ്ങട്ടെ..എന്റെ ഇന്ത്യ ഞാനെങ്കിലും കണ്ടിട്ടില്ലെങ്കില്‍ പിന്നെ ആരാണു കാണുക!
ഇവിടെ 5 മണിക്കൂര്‍ കാത്തു നില്‍ക്കുക കുറച്ചു കട്ടിയാണ്.കംഫര്‍ട്ട് സ്റ്റേഷനില്‍ പോയി കുളിച്ചു,അതൊരുപാടു ആശ്വാസം തന്നു..ക്ഷീണവും ഉറക്കവും പമ്പ കടന്നു.കഫ്തീരിയായില്‍ നിന്നും ചായയും ഇഡ്ഡലിയും കഴിച്ചു.

23.06.2011 ബുധന്‍.ചെന്നെയ് അന്തമാന്‍ എക്സ്പ്രെസ്സ് 6031 ,ഈ വണ്ടി ജമ്മുവിലേക്കാണ്.2800 കിലോമീറ്റര്‍ സഞ്ചരിക്കണം .2ന്‍ഡ് ക്ലാസ്സ് സ്ലീപ്പറിനു ഫെയര്‍ 555.00 രൂപ,മൂന്നു ദിവസത്തെ യാത്ര.
പഴയൊരു എസ് 2 കോച്ചില്‍ മുകളിലെ ബെര്‍ത്തില്‍ ആയിരുന്നു എന്റെ സ്ഥാനം.ലുധിയാനയിലേക്കുള്ള 2 സ്ത്രീകളും(അമ്മ,അമ്മൂമ്മ)പിന്നെ 2 ആണ്‍ കുട്ടിളും ഒരു പെണ്‍കുട്ടിയും ഞങ്ങള്‍ക്കെതിരായി വന്നിരുന്നു.ഞാന്‍ ബെര്‍ത്തില്‍ കയറി കിടന്നതും ഉറങ്ങിയതും പെട്ടന്നായിരുന്നു.
നല്ല മഴ പെയ്തിരിക്കുന്നു,സുന്ദരമായ കാലാവസ്ഥ.ഞങ്ങളുടെ കയ്യിലെ കുടിവെള്ളം കഴിഞ്ഞിരിക്കുന്നു.അടുത്ത് സ്റ്റേഷനില്‍ നുന്നും വാങ്ങണം.കാലത്തു ഒരു സമൂസ കഴിച്ചു .നീണ്ട ഒരു പാലത്തിലൂടെ വലിയ ശബ്ദത്തോടെ വണ്ടി കടന്നുപൊയ്ക്കൊണ്ടിരിക്കുന്നു.സമയം രാത്രി 8 മണി ഇഡ്ഡലിയും വടയും കഴിച്ചു വിശപ്പടക്കി.വാറങ്കല്‍ കഴിഞ്ഞു ഒരുമണിക്കൂറാകുന്നു,2 മൊബൈലിലേയും ചാര്‍ജ്ജ് കഴിഞ്ഞതുകൊണ്ടു പുറം ലോകവുമായി ബന്ധമില്ലാതായിരിക്കുന്നു.

ട്രൈയിന്‍ അതിവേഗത്തിലാണു മുരണ്ടുകൊണ്ടു പാഞ്ഞുകൊണ്ടിരിക്കുന്നത്.ഇടക്കെവിടെയോവെച്ച് ഒരു മണിക്കൂര്‍ പിന്നിലായാണു ഓടിക്കൊണ്ടിരിക്കുന്നത്.കാശ്മീരിലെ അമര്‍നാഥ് തീര്‍ത്ഥാടനത്തിനായുള്ള സന്യാസിവര്യന്മാര്‍ മൊത്തം ട്രയിനില്‍ നിറഞ്ഞുകവിഞ്ഞു.അവര്‍ അവരുടെ വീടുപോലെയാണു കമ്പാര്‍ട്ട്മെണ്ട് ഉപയോഗിക്കുന്നത്..വസ്ത്രങ്ങള്‍ അലക്കുന്നു,അയക്കോലകെട്ടി അതിന്മേല്‍ ഉണക്കാനിടുന്നു,ജപിക്കുന്നു,മന്ത്രങ്ങള്‍ ഉരുവിടുന്നു.അവരുടെ ഗുരു ആരോഗ്യദ്രിഡഗാത്രനും അഹങ്കാരിയുമായിരുന്നു.അടുത്തിരുന്നവരോടൊക്കെ വെറുപ്പിക്കപ്പെടുന്ന രീതിയില്‍ പെരുമാറുക അയാള്‍‍ക്കൊരു ഹരമായിരുന്നു.പഞ്ചാബി അമ്മയും അമ്മൊമ്മയും അയാള്‍ക്കെതിരെ എപ്പോഴും മുറുമുറുത്തുകൊണ്ടിരുന്നു.
ഇക്കൂട്ടര്‍ കയറിയതിനു ശേഷം ട്രയിനിലെ ബാത്ത് റൂം ഉപയോഗശൂന്യമായി.

രാത്രി ഭക്ഷണം കഴിഞ്ഞാല്‍ കിടക്കണം ഇന്നലത്തെ ഉറക്കം തീര്‍ക്കാനുണ്‍ട്,നാളെ നേരത്തെ എഴുന്നേക്കണം..റസിയായും മുസമ്മലും ഹനയും ഇല്ലാത്ത ഒരു രാത്രി കൂടി...

24.06.2011 വ്യാഴം.ചാറ്റല്‍ മഴ കാലത്തെ ഉറക്കത്തിനു കുളിര്‍മ്മ കൂട്ടി.ബ്രെഡ്ഡ് സാന്റ്വീച്ച് കഴിച്ചു.ഭോപ്പാല്‍ സ്റ്റേഷന്‍ 10.10 നു എത്തിയിരിക്കുന്നു.റൈറ്റ് ടൈം..സ്റ്റേഷനിലറങ്ങി ഒരു കപ്പു കാപ്പി കഴിച്ചു.മധ്യപ്രെദേശിണ്ടെ തലസ്ഥാനം..രാതി സിറ്റി മുഴുവന്‍ ഗുണ്ടകളുടെ വിളയാട്ടമാണത്രെ ഇവിടെ.എവിടെയാണു ഇതില്ലാതത് ?? ഞങ്ങളുടെ ഇതേവരെയുള്ളയാത്രയില്‍ ഒട്ടുമിക്ക സ്ഥലങ്ങളിലും മഴയുണ്ടായിരുന്നതുകൊണ്ട് ചൂടു ലെവലേശമില്ല.
ഡല്‍ഹിയിലെത്തുമ്പോള്‍ രാത്രി 11.10..വിശന്നുകുടല്‍ കരിഞ്ഞു കൊണ്ടിരിക്കുന്ന സമയം..ഒരു മണിക്കൂര്‍ ഹാള്‍ട്ടാണിവിടെ.സൈനുദ്ദീന്‍ക്ക പുറത്തിറങ്ങി ബിരിയാണി എന്നപേരിലുള്ള എന്തോ ഒന്നു കൊണ്ടുവന്നു തന്നു.വിശപ്പു കൊണ്ടു വെട്ടി വിഴുങ്ങി..ഇവിടെ മഴയില്ല ..സഹിക്കാവുന്നതിനേക്കാള്‍ ചൂട്.നീണ്ട യാത്രയില്‍ ഇതൊക്കെ പതിവാണല്ലോ എന്നാശ്വസിച്ചു.
25.06.2011 വെള്ളി.ചാണ്ടീഗട് കഴിഞ്ഞു,ലുധിയാന,ജലന്തര്‍ എത്താറായപ്പോഴേക്കും സ്ഥിരം പോകുന്ന ചില യാത്രക്കര്‍(എക്സിക്യൂട്ടീവ് തമിഴന്മാര്‍)ഞങ്ങളുടെ ജനലുകളും ബോഗി ഡോറുകളും നല്ലവണ്ണം അടയ്ക്കണമെന്നും അല്ലാത്ത പക്ഷം തടഞ്ഞുനിര്‍ത്തിയാലും നില്‍ക്കാതെ തള്ളിക്കയറുന്ന പഞ്ചാബികളെ പുറത്താക്കാന്‍ വേണ്ടി ചങ്ങല വലിക്കേണ്ടിവരുമെന്നും പറയുകയുണ്ടായി.തുടര്‍ന്നുള്ള സ്റ്റേഷനിലെ അനുഭവങ്ങള്‍ ഈ മുന്നറിയിപ്പ് തികച്ചും ശരിയാണെന്നു തെളിയിക്കുന്നവയായിരുന്നു.നല്ല ശരീര ശേഷിയുള്ള പഞ്ചാബികളുടെ സ്വഭാവത്തിലെ ഒരു പ്രധാന ഘടകമായി ഈ കയ്യൂക്ക് കാണപ്പെടുന്നു.നെല്ലരിയേക്കാള്‍ ഗോതമ്പ് കഴിക്കുന്ന ഇവര്‍ കായിക ശേഷിയില്‍ ഇന്ത്യയിലെ മറ്റു സംസ്ഥാനങ്ങളെക്കാള്‍ മുന്നില്‍ തന്നെ.ഇന്ത്യയിലെ ഏറ്റവും നല്ല ക്രിഷിക്കാര്‍ പഞ്ചാബികളാണെന്നാണ് എനിക്കു തൊന്നുന്നത്.ബ്രിട്ടീഷുകാര്‍ സിക്കുകാരായ പഞ്ചാബികള്‍ക്ക് ചില പ്രെത്യേക പരിഗണനകള്‍ നെല്‍കിയിരുന്നതു കൊണ്ടു കൂടിയാണെങ്കിലും പട്ടാള സേവനത്തിലും അവര്‍ മുന്‍പന്തിയില്‍ നില്‍ക്കുന്നു.പക്ഷെ ബുദ്ദിപരമായി അവര്‍ വളരെ പിന്നിലാണെന്ന് നമ്മള്‍ ആക്ഷേപിക്കാറുണ്ട്.പഞ്ചാബികളെ പറ്റി നമ്മുടെ ഇടയില്‍ പല കെട്ടുകഥകളുമുണ്ട്.ലുധിയാന എത്താറായിരിക്കുന്നു.ഞങ്ങള്‍ക്കേകാശ്വാസമായിരുന്ന പഞ്ചാബ് കുടുംബം അവിടെയിറങ്ങി..അവരെ ബന്ധപ്പെടാനുള്ള നമ്പൊറൊക്കെ ഞങ്ങള്‍ എഴുതി വാങ്ങി..എന്നെങ്കിലും സുവര്‍ണ്ണക്ഷേത്രം കാണാന്‍ പൊകുന്നെങ്കില്‍ ബന്ധപ്പെടാമല്ലോ !

ജമ്മു സ്റ്റേഷനെത്തുമ്പോള്‍ സമയം 1.30pm
.ജമ്മു കാശ്മീരില് ഇറങ്ങുമ്പോള് ആകെ ഭയം. ഭീകരന്മാര്‍, തീവ്രവാദികള്‍, ആക്രമണം, കലാപം, ഒക്കെ മനസ്സില്‍. ശരീരം അരിച്ചു പെറുക്കിയുള്ള ചെക്കിങ്ങ് റയില്‍വേ സ്റ്റേഷന്‍ മുതല്‍. പട്ടാളം ചാണകപ്പച്ച പുതച്ച വാഹനങ്ങളില്‍ അങ്ങോട്ടും ഇങ്ങോട്ടും വെറളി പിടിച്ചു പായുന്നു. ഓരോ കവലയിലും സ്ഥാപനങ്ങളുടെ മുമ്പിലും ജാഗ്രതയോടെ ഉന്നം പിടിച്ചിരിക്കുന്ന തോക്കുകള്‍.

ഇന്ത്യയിലെ ഓരോ പൗരനും എന്റെ സഹോദരീ സഹോദരന്മാരാണ് എന്നു മനസ്സില് ഉരുവിട്ട് ഞങ്ങള്‍ മുന്നെ ജമ്മുവില്‍ വന്നു പരിചയമുള്ളവരെപ്പോലെ സ്റ്റേഷനില്‍ നിന്നും ബാഗും തൂക്കി അടുത്തുള്ള സ്റ്റാന്റില്‍ നിന്നും കത്ര മൈയിന്‍ സ്റ്റാന്റിലേക്കു 5 രൂപ് കൊടുത്തു കുട്ടി ബസില്‍ കയറിപ്പറ്റി വിട്ടു. ബസ് അങ്ങോട്ട് തിരിഞ്ഞപ്പോള്‍ അവിടെയും പട്ടാളം. മണലല്‍ ചാക്ക് നിറച്ച മറയ്ക്കുള്ളില് തോക്കിന്‍ കുഴല്‍ മാത്രം പുറത്തേക്ക്. ഏതോ കിളി കൂടിനുള്ളില്‍ നിന്നും നീണ്ട കൊക്ക് പുറത്തേക്കിടും പോലെ. അപ്പോഴാണ് മറ്റൊരു കാര്യം കണ്ണില്‍ പെട്ടത്. മതിലിനു മുകളിള്‍ ഉയരത്തില്‍ മുള്ള് കമ്പി വേലി ഉള്ള കെട്ടിടങ്ങള്‍.കത്ര സ്റ്റാന്റിനടുത്തുള്ള വര്‍ദ്ദാനാ ഹോട്ടെലില്‍ 1100 രൂപക്കു എ സി റൂം എടുത്തു.വ്രുത്തിയുള്ള റൂമില്‍ ആദ്യം അലക്കാനുള്ളതു അലക്കി ശേഷം ഒരു നീണ്ട കുളി പാസ്സാക്കി.ശരിക്കും പറഞ്ഞാല്‍ 4 ദിവസമായി കുളിച്ചിട്ട്.യാത്രാക്ഷീണം.മുറിയിലെ എ.സി ഓണ്‍ ചൈതു. തണുപ്പ് കുളിരിട്ടു.സമയം ഉച്ച. ഉറങ്ങാന്‍ കിടന്നപ്പോള്‍ സൈനുദ്ദീന്‍ക്കാ നാനോ എക്സലിന്റെ മഹത്തങ്ങള്‍ വാതോരാതെ പറഞ്ഞുകൊണ്ടിരിക്കുന്നതിന്നിടയില്‍ എപ്പോഴോ ഉറങ്ങി.വൈകീട്ടു 4 മണിക്ക് ജമ്മു സിറ്റി ഒന്നു കറങ്ങി രാത്രി ഭക്ഷണം കഴിച്ചു ഹോട്ടലിലേക്കു മടങ്ങി.
അതികാലത്തു ഉണര്‍ന്നു.നമസ്കാരം രൂമില്‍ തന്നെ നിര്‍വ്വഹിച്ചു.മഞ്ഞു പുതച്ച പ്രഭാതം. എനിക്ക് യു എ ഇ തണുപ്പ് മാത്രമാണ് പരിചയമുള്ളതിലല്‍ കേമം. അതിന്റെ എത്രയോ ഇരട്ടി തണുപ്പായിരിക്കും ഇവിടെയെന്നാണു ഞാന്‍ വിചാരിച്ചിരുന്നത്. കമ്പിളി എല്ലാം വാരിപുതച്ചു. കണ്ണാടി നോക്കി. ഒരു ഭീകരനായോ? പട്ടാളം വെച്ച് കാച്ചുമോ. ചെറിയ പേടി. എന്നാലും ഇറങ്ങുക തന്നെ. ഹോട്ടലിനു പുറത്തിറങ്ങിയപ്പോള് നാണിച്ചു പോയി. ഐസ് വീണു കട്ടി വെള്ള പുതച്ച പുലരി എവിടെ?

കര്‍ക്കിട മാസത്തില്‍ ഇതിലും തണുപ്പുണ്ട് ഞങ്ങളുടെ മൂക്കുതല ഗ്രാമത്തിന്. തിരികെ റൂമില്‍ പോയി കമ്പിളി ഊരി കിടക്കയിലേക്കെറിഞ്ഞു.ഒരു ഷാളും ചുറ്റി പുറത്തേക്ക്. അപ്പോള് തോന്നി എന്റെ ഒരു ഫോട്ടോ മൊബൈലില് എടുത്തേക്കാം. വല്ല ഭീകരാക്രമണം വന്ന് തട്ടിപ്പോയാല് ആളെ തിരിച്ചറിയാമല്ലോ. കണ്ണാടിക്കു നേരെ പോസ് ചെയ്തു; ക്ലിക്ക്.സുന്ദരമായ എന്റെ ചിത്രം മൊബൈലില്‍ സുരക്ഷിതം.ഹോട്ടലില് നിന്നും ഞാനും സൈനുദ്ദീന്‍ക്കായും പുറത്തേക്ക് നടന്നു.ഒരുപാട് റ്റാറ്റാ സുമൊകള്‍ കാശ്മീലേക്കു ട്രിപ്പ് നടത്തുന്നു.ഒരാള്‍ക്ക് 450 രൂപയാണു ഈടാക്കുന്നത്.292കിലോ മീറ്റര്‍ സഞ്ചരിക്കണം.കാലത്തു 8മണിക്കു പുറപ്പെട്ടാല്‍ വൈകീട്ട് 5.30നു കാശ്മീരിലെത്തും .അങ്ങിനെ ഫിറോസ് എന്ന ഡ്രൈവറുടെ റ്റാറ്റാ സുമോയില്‍ യാത്ര പുറപ്പെട്ടു.പര്‍വ്വതങ്ങളാല്‍ നിറഞ്ഞുകവിഞ്ഞ വഴിയോരങ്ങള്‍,അരുവികള്‍,വെള്ളച്ചാട്ടങ്ങള്‍,കാടുകള്‍,അഗാത ഗര്‍ത്തങ്ങള്‍.ഭൂമിയുടെ പ്രക്രിതി തന്നെ വളരെ വ്യത്യസ്തം.ചെറിയൊരു ആക്സിഡന്റ് ഉണ്ടായെങ്കിലും സാരമാക്കാതെ യാത്ര തുടര്‍ന്നു.

ഒമ്പതിനായിരം അടി ഉയരിത്തഇലോളം ഹിമാലയനിരകള്‍ കയറിയിറങ്ങികൊണ്ടുള്ള യാത്ര ഇതേ വരെയുള്ളയാത്രയിലെ ഏറ്റവും കൌതുകകരമായ ഭാഗമാണെന്നു പറയാം.തെളിഞ്ഞ കാലാവസ്ഥയില്‍ ആകാശത്തുനിന്നുള്ള ഹിമാലയ ദ്ര്‍ശനം അത്യപൂര്‍വ്വം ലഭിക്കുന്ന ഒന്നു തന്നെയാണ്. ജമ്മുവില്‍ നിന്നു ശ്രീനഗറിലേക്കുള്ള യാത്ര ഒരിക്കലും മറക്കാവുന്നതല്ല.റ്റാറ്റാ സുമോയില്‍ പഴയ ഒരു ഹിന്ദി ഗാനം വെച്ചു ഫിറോസ് വാഹനം കുതിച്ചു പായ്പിച്ചുകൊണ്ടിരുന്നു..ഞാനും സൈനുദ്ദീന്‍ക്കായും മുന്നിലെ സീറ്റിലാണു ഇരിക്കുന്നത്.അതിനിടക്കു ഒരു കാര്യം പറയാന്‍ മറന്നു..ഞങ്ങളുടെ മൊബയില്‍ പ്രീപ്പൈഡ് കണക്ഷന് ബന്ധം വിച്ചേദിക്കപെട്ടിരിക്കയാണ് ജമ്മുവിലെത്തിയ അന്നു മുതല്‍..പിന്നീടാണു അറിയുന്നത് പുറത്തുള്ള സ്റ്റേറ്റ്കാരുടെയെല്ലാം ഈ വിധം തന്നെയാണെന്ന്.

വളഞ്ഞുതിരിഞ്ഞു പോകുന്ന വീതി കുറഞ്ഞ പാത .ഇരു വശവും പച്ചമരക്കാടുകളുടെ മുള്‍പ്പടര്‍പ്പും ഉണ്ട്.റോഡിനോടു ചേര്‍ന്ന് കിഴുക്കാം തൂക്കായ കൊക്കകള്‍ വയ്പ്പിളര്‍ത്തി നില്‍ക്കുന്നു.പാറകളില്‍ നിന്നും കുതിച്ചു ചാടി പതൊഞ്ഞൊഴുകുന്ന നീര്‍ച്ചാലുകള്‍,താഴെ അഗാധതയില്‍ ഒരു തോടിണ്ടെ വീതിയില്‍ ചിനാബ് നദി വളഞ്ഞു തിരിഞ്ഞു പാഞ്ഞു പോകുന്നു.ഞാന്‍ ശ്രമപ്പെട്ട് ചിനാബ് നദി കാമറയിലേക്കു ആവാഹിച്ചു കൊണ്ടിരുന്നു.ഇവിടെ ജനവാസമുള്ള സ്ഥലങ്ങളില്‍ കാണുന്ന കുടിലുകള്‍ പ്രെത്യേക തരത്തിലുള്ളവയാണ്.നമ്മുടെ നാട്ടിലെപ്പോലെ കൂര്‍ത്ത മേല്‍ക്കൂരയുള്ള വീടുകള്‍ ഒട്ടും തന്നെയില്ല.ആസ്പറ്റോസ് ഷീറ്റ് ഇട്ട് അതിനുമുകളില്‍ കനത്തില്‍ മണ്ണ് നിരത്തി വിരിച്ചിരിക്കയാണ്.ഇതേ തരത്തിലുള്ള വീടുകളാണ് വഴിയോരങ്ങളില്‍.ഇരു വശങ്ങളിലും ദേവദാരു നിറഞ്ഞ കാടുകളും കാണാം."ദേവദാരു പൂത്തു നിന്‍ മനസ്സിന്‍ താഴ്വരയില്‍" എങ്ങിനെ നീ മറക്കും എന്ന ഫിലിമിലെ പാട്ട് ഓര്‍മ്മ വന്നു.ഞാന്‍ പത്താം ക്ലാസ്സില്‍ പഠിക്കുമ്പോഴാണ് ആ വമ്പന്‍ ഹിറ്റ് പടം റിലീസ് ആയത്.
ശങ്കറും മോഹന്‍ലാലും തകര്‍ത്തഭിനയിച്ചിട്ടുണ്ട് അതില്‍.
ജമ്മു വിട്ടാല്‍ ആദ്യത്തെ പ്രധാന സ്ഥലം ഉദംപൂ‍രാണ്.ഇവിടം ഒരു പ്രധാന പട്ടാളത്താവളവുമാണ്.ഇപ്പോള്‍ ജമ്മുവില്‍ നിന്നും ഉദംപൂ‍ര്‍ വരെ ട്രയിനുണ്ട്.പുതിയ വാര്‍ത്തകള്‍ പറയുന്നത് അടുത്തു തന്നെ ശ്രീനഗര്‍ വരെ ഈ സൌകര്യം നീട്ടുമെന്നാണ്.

ഞങ്ങളിപ്പോള്‍ കുദ്ദിലെത്തി.ഇവിടെ ഒരു മലയുടെ മുകളിലാണ് വാഹനങ്ങള്‍ നിര്‍ത്തുന്ന സ്ഥലം.സഞ്ചരികള്‍ ഭക്ഷണം കഴിക്കാനും വിശ്രമിക്കാനും നിര്‍ത്തിയിടുന്ന സ്ഥലം.ഇവിടെ എല്ലായിടത്തും 2 തരം ഭോജനശാലകള്‍ ഉണ്ട്.ഒന്നു മുസ്ലിങ്ങള്‍ക്കായുള്ള ബിസ്മി ചേര്‍ത്തുള്ള ഏതെങ്കിലും പേരില്‍,മറ്റൊന്നു വൈഷ്ണോവി എന്ന പേരില്‍ ഹിന്ദുക്കള്‍ക്കും..ഓരോരുത്തരും അവരവരുടെ ഹോട്ടലുകളില്‍ നിന്നും ഭക്ഷണം കഴിക്കും..ഇതിലെ മറ്റൊരു രസം ചിലപ്പോള്‍ 2 ഹോട്ടലുകളും ഒരാളുടെ ആയിരിക്കും.അരമണിക്കൂറിനു ശേഷം ഞങ്ങളുടെ സുമോ വീണ്ടും ഇരമ്പിക്കൊണ്ട് അടുത്ത മലയുടെ ചെരിവുകള്‍ ചുറ്റിക്കൊണ്ട് മുകളിലേക്കു കയറാന്‍ തുടങ്ങി.കുദ്ദിലെ വിശ്രമത്താവളത്തില്‍ നിന്നും ഈ ബസ്സുകളുടെ മല കയറ്റം കാണാന്‍ നല്ല കൌതുകം ഉണ്ട്.കുട്ടികളുടെ കയ്യിലെ കളിക്കോപ്പു വണ്ടികള്‍ ഇഴഞ്ഞു നീങ്ങുന്നതുപോലെ അവ മുന്നോട്ട് പോവുന്നത്.വഴിയരികില്‍ ഒരു യുവാവ് (പാക്കിസ്ഥാന്‍ ഡ്രെസ്സില്‍) ആപ്പിള്‍ വിറ്റുകൊണ്ടിരിക്കുന്നു.ഒരു സമചതുരാക്രിതിയിലുള്ള കാര്‍ട്ടൂണിലാണു അദ്ദേഹം അത്രയൊയൊന്നും പാകമാകാത്ത ആപ്പിള്‍ വില്‍പനക്കു വെച്ചിരുന്നത്.ഞങ്ങളുടെ കൂടെ ഉന്‍ടായിരുന്ന കാശ്മീര്‍ യുവതി മാത്രം കുരച്ചു വാങ്ങി.തിരിച്ചു വരുമ്പോള്‍ വാങ്ങാമെന്നു മനസ്സില്‍ കരുതി..

വളഞ്ഞുതിരിഞ്ഞുള്ള വഴികള്‍ ചുറ്റി വണ്ടി കീഴ്പ്പോട്ടു ഇറങ്ങുകയാണ്.റോട് പലസ്ഥലത്തും തകര്‍ന്നിട്ടുണ്ട്.അഞ്ഞൂറും അറുനൂറും അടി താഴേക്കാണു അടര്‍ന്നു വീണിട്ടുള്ളത്.ഇങ്ങനെ ഇടിഞ്ഞുപോയ ഭാഗത്തോടു ചേര്‍ന്നു ഒന്നോ രണ്ടോ അടി മാത്രം വിട്ട് സുമോ ഓടിയപ്പോഴും അതിന്റെ വേഗത 20ല്‍ കുറഞ്ഞിരുന്നില്ല.ഞങ്ങളിപ്പോള്‍ ബനിഹാല്‍ എന്ന സ്ഥലത്തെത്തി.ചായയും റൊട്ടിയും മട്ടണ്‍ കറിയും കഴിച്ചു.ബനിഹാലിനു ലോകത്തിലെ ഏറ്റവും ഉയരം കൂടിയ ഗതാഗത പാതയില്‍ 2 - ആം സ്ഥാനം ആണുള്ളത്.

കാശ്മീരിലെ ഏറ്റവും ഉയരംകൂടിയ പീര്‍ പഞ്ചാല്‍ പര്‍വ്വത നിരകള്‍ തുരന്നുണ്ടാകിയ തുരങ്കമാണു ജവഹര്‍ ടണല്‍.ഈ തുരങ്കം ഉണ്ടാക്കുന്നതിനു മുന്നെ 9000 അടി ഉയരം വരുന്ന ഈ മല നിരകല്‍ താന്‍ടിവേണം കാശ്മീരിലെത്താന്‍.അതുകൊണ്ടു തന്നെ 2 ദിവസം കൂടുതല്‍ വേണ്ടി വന്നിരുന്നു യാത്രക്ക്.നല്ല മഞ്ഞ് കാലത്ത് ചില ദിവസങ്ങളില്‍ ഐസ് വീണ് തടസ്സമാകുന്നതു കൊന്‍ട് തുരങ്കം അടച്ചിടാറുണ്ട്.മൂന്നു കിലോമീറ്ററോളം വരുന്ന ടണല്‍ ഏതാണ്ട് ദുബൈ ഷിണ്‍ട്ഗ പോലുണ്ട്,ലൈറ്റ് സംവിധാനങ്ങള്‍ അച്ചട്ടാണ്.വാഹനങ്ങള്‍ ലൈറ്റ് ഇട്ടു വേണം ഇതിലൂടെ സഞ്ചരിക്കാന്‍.ബനിഹാല്‍ തുരങ്കത്തിണ്ടെ കവാടത്തില്‍ സര്‍വ്വ സന്നാഹങ്ങളോടു കൂടി പട്ടാളം നില്‍പ്പുണ്ട്.അവരുടെ പരിശോധന കഴിഞ്ഞാലെ അകത്തേക്കു പ്രവേശിക്കാന്‍ പാടുള്ളൂ. പട്ടാളക്കാരിലെ ചിലരുടെ ഫെയിസ് കേരളക്കാരണ്ടെ പോലെയുണ്ട്.ഒന്നിനു പിറകെ ഒന്നായി വണ്ടികള്‍ നീങ്ങിത്തുടങ്ങി.അപ്പുറത്തെ കവാടത്തിനു പുറത്തു എത്തുമ്പോഴേക്കും തണുപ്പ് കൂടിത്തുടങ്ങി.ഞങ്ങള്‍ പൊയിക്കൊണ്ടിരിക്കുന്നത് N H 1 ആണ്..റോഡ് മാര്‍ക്കിങ്ങ് കുറിപ്പുകള്‍ ഓരോ കിലോമീറ്ററുകള്‍ക്കിടയിലുമിണ്ട്.എത്ര താഴ്ച്ച,സ്ഥലം,അപകടാവസ്ഥ..എന്നിങ്ങനെ ഒരു പുതുക്കകാരനു അറിയേണ്ടതെല്ലാം.മല നിരകള്‍ ക്രമേണ മഞ്ഞില്‍ മൂടുകയാണ്,തണുപ്പ് കൂടിവരുന്നു,കാശ്മീര്‍ പ്രവിശ്യയിലേക്ക് കാലുകുത്താന്‍ തുടങ്ങുന്നതിണ്ടെ ലക്ഷണമാണിതൊക്കെ.അകലെ 3000 അടി താഴെ മനോഹരമായ കാശ്മീര്‍ താഴ്വര കാണാം.

വീണ്ടും ഇറക്കം ആരംഭിക്കുന്നു.വളഞ്ഞും പുളഞ്ഞുമുള്ള റോഡിലൂടെ സുമോ ഇറങ്ങുകയാണ്.താഴ്വര അടുത്തുവരുന്നതോടൊപ്പം ഞങ്ങളിലെ ഉല്‍സാഹം പതിന്മടങ്ങ് വര്‍ദ്ദിച്ചു.താഴെ താഴ്വരയിലുള്ള വിസ്ത്രിതമായ നെല്‍ വയലുകള്‍ വളരെ ദൂരത്തുനിന്നുതന്നെ കാണാം.ചിലപ്പോളെങ്കിലും ഈ പാടങ്ങളിലൂടെ നീങ്ങുമ്പോള്‍ കാഞ്ഞിയൂര്‍ പാടത്തെ ഓര്‍ക്കേണ്ടി വന്നു.പക്ഷെ ചുറ്റുപാടും മലനിരകള്‍ ഇല്ലാന്നുമാത്രം.ഫിറോസ് ശ്രീനഗര്‍ ബസ് സ്റ്റാന്‍ടിനു മുന്നില്‍ വാഹനം നിറുത്തി മുകളില്‍ കയറി ബാഗുകള്‍ ഒന്നൊന്നായി ഇറക്കി.ഫിറോസ് നല്ലവനായിരുന്നു.അവന്റെ നമ്പറും ഞങ്ങള്‍ വാങ്ങി.ശ്രീനഗര്‍ സിറ്റി മൊത്തം അടവാണ്.ഹുറിയത്തിണ്ടെ ആഹ്വാനപ്രകാരം ബന്ദാണ്.എന്നാല്‍ നമ്മുടെ നാട്ടിലെ പോലെ വാഹനങ്ങള്‍ ആരും തടയുകയില്ല..പിന്നെ ഒരാള്‍ക്ക് 5 എന്ന രീതിയില്‍ പട്ടാളം കാവല്‍ നില്‍ക്കുന്നുണ്ട്..എന്തിന് പാടത്തിന്റെ ഓരോ വരമ്പിലും തോക്കും പിടിച്ച് ഇന്ത്യയുടെ ജവാന്മാര്‍ ജാഗ്രതയോടെ നില്‍പ്പുണ്ട്.

ഇനി ഞങ്ങളുടെ ഊഴം ദാല്‍ തടാകത്തിലെ ഹൌസ് ബോട്ട് ..ഞങ്ങളുടെ പ്ലാന്‍ അനുസരിച്ച് അന്തിയുറക്കം ബോട്ടില്‍.ഇവിടത്തെ ഓട്ടോ ഡ്രൈവര്‍മാര്‍ കണ്ടാല്‍ പച്ചകളെ(പാക്കിസ്ഥാനി)പ്പോലെ തോന്നുകമാത്രമല്ല അവരുടെ അതേ സ്വഭാവവും ആണ്,ഒരു പക്ഷെ ഇവിടെന്നു 50 കിലോമീറ്ററില്‍ കൂടുതല്‍ അയല്‍ രാജ്യത്തിലേക്കില്ലല്ലൊ ?എന്‍ടേ അടുത്ത സുഹ്രുത്തുക്കള്‍ പറയുന്നതുപോലെ ഞാനിവിടേയും അവരുമായി ഫെയര്‍ കുറക്കുന്നതിനു വേണ്ടി തര്‍‍ക്കിച്ചു.പതിവുപോലെ പഴിയും കേട്ട് ഇളിഭ്യരായി നടന്നു മറ്റൊരു ഓട്ടോക്കായി.കുറേ ദൂരം വരെ അയാല്‍ ഞങ്ങളെ പിന്തുടര്‍ന്നു മറ്റു വണ്ടിക്കാരെ ഞങ്ങളില്‍ നിന്നും അകറ്റി.പിന്നെ അയാള്‍ ക്ഷമ കെട്ട് തിരിഞ്ഞു പോയപ്പോള്‍ മറ്റൊരു ഓട്ടോക്കു ദാല്‍ തടാകത്തിലേക്കു യാത്രയായി.5 മിനിറ്റ് കൊണ്ട് ദാല്‍ തടാക കരയിലെത്തി.10രൂപ യാത്രാപ്പടി കൊടുത്തു.പഴയ ആള്‍ ചൊദിച്ചതു 25 രൂപയായിരുന്നു,മുന്നെ തന്നെ ഫിറോസ് പറഞ്ഞിരുന്നു ഫെയര്‍ എത്രയാകുമെന്ന്.

ദാല്‍ തടാകം.

നടന്നു നടന്നു ചെറുപ്പത്തില് പാഠാവലിയില്‍ പഠിച്ച കാശ്മീര്‍ ജലാശയക്കരയിലെത്തി.

ദുബായിലെ അബ്ര എന്നോണം ചെറിയ ശിക്കാറികല്‍ ആളുകളെ കയറ്റി അപ്പുറത്തേക്കെവിടെയോ കൊണ്ടു പോകുകയാണ്.ബാഗും തൂക്കിപ്പിടിച്ച ഞങ്ങളെ കണ്ടപ്പോല്‍ ഒരു ഹൌസ് ബോട്ട് ഉടമ ഞങ്ങളെ റാഞ്ചിയെന്നുപറയാം.അയാളുടെ ശിക്കാറിയില്‍ തടാകത്തിലൂടെ തുഴഞ്ഞ് അദ്ദേഹത്തിണ്ടെ ഹൌസ് ബോട്ടിനടുത്തേക്കടിപ്പിച്ചു.ഹൗസ് ബോട്ടുകള് എന്നാല് വാടക വീടുതന്നെ. അതില് എല്ലാം ഉണ്ട്. കുഞ്ഞുകുട്ടിപരാധീനങ്ങളെയും കൊണ്ട് വന്നു ഇതില് താമസം തുടങ്ങിയാല്‍ മതി. ചെറുതെങ്കിലും അടിപൊളി.എല്ലാ സജ്ജീകറണങ്ങളും ഉണ്ട്. 2 റൂമും വലിയ ഒരു ഡൈനിങ്ങ് റൂമും.റൂമിനോടനുബന്ധിച്ച് അറ്റാച്ച്ട് ബാത്ത് റൂമും. റൂമുകളും ഡൈനിങ്ങും നല്ല മോഡിപ്പിടിപ്പിച്ചിട്ടുണ്ട്.മുഗള്‍ ചക്രവര്‍ത്തിമാരുടെ കൊട്ടാരക്കാണക്കിനു തുല്യം വരുമില്ലെങ്കിലും ഏതാണ്ടതേപോലെയാണ്.ടിവിയും മറ്റു സൗകര്യങ്ങളുമുണ്‍ട്.

2500 ഒരു ദിവസത്തിനു വാടക പറഞ്ഞെങ്കിലും അതു 1100 രൂപയില്‍ ഉറപ്പിച്ചു.അപ്പഴേക്കും ശരിക്കുമുള്ള ശിക്കാരി ഒരു മുഹമ്മദ് ഉടുത്തൊരുങ്ങിയ ഒരു ബോട്ട് എന്‍ടെ നേരെ വന്നു. ഏതോ പരിചയം ഉള്ള പോലെ. എന്‍ടെ പേഴ്സ് പോക്കറ്റില്‍ നിന്നും അല്പം തള്ളി നില്‍‍ക്കുന്നത് കണ്ടാവും ഈ വരവ്. കേരളക്കാരുടെ അന്തസ് കളയേണ്ടല്ലോ എന്നു കരുതി ഞാനും സൈനുദ്ദീന്‍ക്കായും അതില്‍ കയറി മുഗള്‍ ചക്രവര്‍ത്തിമാരെപ്പോലെ ചാരിക്കിടന്നു.. തടാകത്തില്‍ തുഴ വീണു. ആമ്പല്‍‍ പൂക്കള്‍ക്കിടയിലൂടെ.സംഗതി ചെറുതാണെങ്കിലും രാജകീയ രീതിയില്‍ തന്നെയാണു സിറ്റിങ്.ഒരു മണിക്കൂര്‍ ചുറ്റാന്‍ 200 രൂപയാണ്.ഏതാണ്ട് 8 കിലോമീറ്റര്‍ നീളവും 4 കിലോ മീറ്റര്‍ വീതിയും വരും ദാല്‍ തടാകത്തിന്.നാം യാത്ര ചെയ്യുമ്പോല്‍ തന്നെ മറ്റു ചെറു വഞ്ചികളിലായി കച്ചവട സംഘങ്ങള്‍ സമീപിക്കും.ഇതിലൂടെ തുഴഞ്ഞു പോകാന്‍ രസമാണ്.തടാകത്തിന്റെ ഒരു ഭാഗം മുഴുവന്‍ ഹൌസ് ബോട്ടുകളാണ്.കാശ്മീരിലെ മുഗള്‍ ഉദ്യാനങ്ങളും മറ്റ് എണ്ണമറ്റ കാഴ്ച്ചകളും ഈ തടാകത്തിനു ചുറ്റിപറ്റിയാണ്.നാലു ഭാഗവും മഞ്ഞു മലകള്‍..വിദേശികളും സ്വദേശികളും ഒരു പാട് തുഴഞ്ഞു കൊണ്ട് ദാല്‍ തടാകം ആസ്വദിക്കുന്നു.വെള്ളം തൊട്ടു നോക്കി ഐസിനേക്കാല്‍ തണുപ്പുണ്‍ട്.. കണ്ടാല്‍ ബോട്ട്. എന്നാൽ വീട്. ഹൗസ് ബോട്ടുകളുടെ അരികിലൂടെ യാത്ര. ഇവ നങ്കൂരമിട്ടു കിടപ്പാണല്ലോ. സഞ്ചാരമില്ല. വേരിറങ്ങിപ്പോയപോലെ നിരവധി. ജലവീടുകള്‍ എന്ന് വിളിച്ചാലോ?അപ്പോള്‍ ഒരു വള്ളം തുഴഞ്ഞു കയറി എന്നേ മറികടന്നു. അമ്മയും മോളുമാണെന്ന് തോന്നുന്നു തുഴച്ചിലുകാരികള്‍. അടുത്ത മാര്‍ക്കറ്റിലേക്കോ വീട്ടിലേക്കോ പോകയായിരിക്കും

തടാകത്തിന്റെ ഉള്‍പ്പിരിവ് ഇടവഴി പോലെ ജലവഴി. വഞ്ചി തുഴഞ്ഞു.അയാള്‍ക്ക് ദീര്‍ഘ ദൂരമോടുന്ന ബസ്കാരെ പോലെ ചില കടകളും മറ്റും പഥ്യം. അവിടെ എത്തി ഞങ്ങളേയും വിട്ടുകൊടുക്കും

. കാശ്മീരി സില്‍ക്കും, പഴവർഗ്ഗങ്ങളും ശില്‍പ്പങ്ങളും, .എല്ലാം കിട്ടും.ഞങ്ങള്‍ ഒരു സെവെനപ്പും ഒരു മിനെറല്‍ വാട്ടറും വാങ്ങി. ദൂരെ മനോഹരമായ കാഴ്ചകള്‍. നാല് വശവും കുന്ന്. അവ ജലാശയത്തില്‍ മുഖം നോക്കി മിനുക്കി നില്‍ക്കുന്ന പോലെ. തണുപ്പുകാലത്ത് എങ്ങനെ ആവും ? ഞാനത് അത് ഭാവനയില്‍ കണ്ടു. .എത്ര സമയം ആയാലും ഈ അനുഭവം ആവോളം ആസ്വദിക്കാന്‍‍ തീരുമാനിച്ചു.
തണുപ്പ് ഏറി വരുന്നു.ഞങ്ങള്‍ ഹൌസ് ബോട്ടില്‍ തിരിച്ചെത്തി ഭക്ഷണത്തിനു ഓര്‍ഡര്‍ കൊടുത്തു.ബോട്ടുടമ തന്നെയാണ് ഓര്‍ഡര്‍ എടുത്തത്. ബന്ദായതിനാല്‍ ഹോട്ടലുകളൊന്നും ഇല്ലല്ലോ.

ഹൌസ് ബോട്ടിലെ അന്തിയുറക്കം സ്വപ്നതുല്യം തന്നെ.എയര്‍ കണ്ഡീഷനെ വെല്ലുന്ന തണുപ്പ്.ഭക്ഷണം കുറച്ചു ഹെവിയായിരുന്നു.കോളീ ഫ്ലവര്‍,ദാല്‍ ഫ്രൈ,ചപ്പാത്തി,സലാഡ്.(385 രണ്ടാള്‍ക്ക്)
നാളത്തെ പ്ലാന്‍ ഗുല്‍മാര്‍ഗ്ഗാണ്.ആറുമണിക്ക് ചായയുമായി വന്ന് വിളിച്ചെഴുന്നേല്‍പ്പിക്കാമെന്നാണു ബോട്ടുടമ പറഞ്ഞിരിക്കുന്നത്.അതുകാരണം നേരത്തെ കിടക്കണം.ഇതുവരേയുള്ള യാത്രയിലെ കാര്യങ്ങള്‍
ബുക്കില്‍ കുറിച്ചിട്ടു സ്വല്‍പം നേരം പി ടി വി കണ്ടു കിടക്കയില്‍ കമ്പിളിപ്പുതപ്പ് പുതച്ചു നിദ്രയെ പ്രാപിക്കാനായി കണ്ണടച്ചു. ...

ഞാനെഴുനേല്‍ക്കുന്നതിനു മുന്നെ സൈനുദ്ദീന്‍ക്ക എഴുനേറ്റു കുളിച്ചിരുന്നു.ഐസ് പോലത്തെ തണുപ്പാണ്.ബാത്ത് റൂമില്‍ കയറി ടാപ്പ തുറന്നു.ചുടു വെള്ളം ബക്കറ്റിലേക്ക്.ചുടുവെള്ളം മുക്കിഒഴിക്കുമ്പോള്‍ കുളിമുറി ആടുന്നുണ്ടായിരുന്നു.കുളികഴിഞു തുവര്‍ത്തി റൂമിലേക്കു കടന്നപ്പഴാണ് തണുപ്പിന്റെ കാഠിന്യം അറിയുന്നത്,പെട്ടന്നു ഗ്ലിസറിന്‍ മേലാസകലം പുരട്ടി ആ അവസ്ഥയില്‍ നിന്നും രക്ഷപ്പെട്ടു.ഞാനാരാ മോന്‍ ഐസ് കട്ടയിലാണൊ ഉറുമ്പരിക്കുന്നത്.തണുപ്പിനുള്ള ജാക്കറ്റും തൊപ്പിയും ധരിച്ചു. നേരത്തെ ശ്രീനഗര്‍ സ്റ്റാന്റിലെത്തിയെങ്കിലും 8 മണിക്കുള്ള ബസിനാണു ടിക്കറ്റ് കിട്ടിയത്.ഒരാള്‍ക്ക് 250രൂപ.സ്റ്റാന്റിനു എതിര്‍വശത്തുള്ള ചെറിയ കടയില്‍ നിന്നും ചായയും മുട്ട സാന്റ്വീച്ചും കഴിച്ചു.ബര്‍മ്മയിള്‍ നിന്നുമുള്ള ഒരു കപ്പിള്‍സ് ഗുല്‍മാര്‍ഗ്ഗിലേക്കുണ്ടായിരുന്നു,അവരുടെ ഒപ്പം ഒരു ഫോട്ടൊ എടുത്തു.ശ്രീനഗറില്‍ നിന്നും 52 കിലോമീറ്റര്‍ അകലെയാണു ഗുല്‍മാര്‍ഗ്ഗ് സ്ഥിതിചെയ്യുന്നത്.ഊട്ടിയിലേക്കു മേട്ടുപാളയം വഴി പോകുമ്പോളുള്ള വളവു തിരിവും കയറ്റങ്ങളും പോലെ തോന്നി മല കയറുമ്പോള്‍.ദേവദാരു മരങ്ങള്‍ കൊണ്ടുള്ള കാടാണ് മൊത്തം.വിഴിയിലുടനീളം നല്ല മഞ്ഞുണ്ട്.ഉയര്‍ത്തേക്കു കറും തോറും തണുപ്പ് കൂടിവരുന്നു.11 മണിയോടെ ഗുല്‍മാര്‍ഗ്ഗിലെത്തി.ഗോള്‍ഫ് കളിക്കുണ്ടാക്കിയിരിക്കുന്നതു പോലെ വലിയ മൈതാനമാണ്.കുതിരകളും ഗൈഡുകളും ഒന്നിനൊന്നായി പിന്നാലെയുണ്ട്.പണ്ട് ഷിംലയില്‍ പോയപ്പോള്‍ ഇതേ അവസ്ഥയായിരുന്നു.പുല്‍ത്തകിടിലൂടെ ഏകദേശം ഒന്നര കിലോമീറ്റര്‍ നടന്നു.ഗോന്‍ഡ്വാല(കേബിള്‍ കാര്‍)ക്ക് ക്യൂ നിന്നു.സാമാന്യം നീളമുള്ള ക്യൂ ആണ്.രണ്ടു തവണ കയറിയിറങ്ങിയാലെ ക്ലെന്മാര്‍ഗ്ഗിലെത്തുകയുള്ളൂ.അതിനായി രണ്ടു ഫീസും ഉണ്ട്.300+500 രൂപ,ത്രിശൂര്‍ പൂരത്തിന്‍ടെ തിരക്കുണ്ട്.അതിലിടക്കു മഴ ചാറി ക്യൂ വിഘടിച്ചു..അതു കാരണം ഞങ്ങള്‍ കുറച്ചുകൂടെ മുന്നോട്ട് എത്തപ്പെട്ടു.ലോകത്തിലെ തന്നെ ഏറ്റവും ഉയരത്തില്‍ കേബിള്‍ കാര്‍ ആളുകളെ വഹിച്ചു കൊണ്ടു പോകുന്നതിവിടെയാണ്.ബാരാമുല്ല കാശ്മീര്‍ താഴ്വരയാണിതിനപ്പുറം.ഏകദേശം മൂന്നു കിലോമീറ്റര്‍ ഉയരത്തിലാണു ഈ പര്‍വ്വതം.പുതിയ ടെക്നോളജി ഉപയോഗിച്ചു തെയ്യാറാക്കിയ ഈ കാറില്‍ രണ്ടു വശങ്ങളിലുമായി 6 പേര്‍ക്കിരിക്കാം.

13000 ത്തില്‍ പരം അടികള്‍ ഉയരത്തിലാണു ക്ലെന്മാര്‍ഗ്ഗ്.ക്ലെന്മാര്‍ഗ്ഗിലിറങ്ങിയപ്പോള്‍ അല്‍പ്പ സമയത്തേക്കു ശ്വാസ തടസ്സമുണ്ടായിരുന്നു.ആകാശം തൊടാന്‍ പറ്റുമെന്നു തോന്നിപ്പോകും അത്രക്കും ഉയരത്തിലാണ്.മല നിറയെ ഐസ് കൊണ്ടു പൊതിഞ്ഞിരിക്കുന്നു.ഇതിലൂടെ നടക്കാന്‍ വളരെ പ്രയാസവും റിസ്ക്കുമാണ്.പര്‍വ്വതത്തിണ്ടേ ഉച്ചിയിലെ ബര്‍ഫ് കണ്ടപ്പോള്‍ കിടന്നു മറിയാന്‍ തോന്നി.മഞ്ഞു കഷ്ണങ്ങള്‍ വാരിയെടുത്തു അമ്മാനമാടി,വിതറി,ഐസില്‍ കിടന്നുരുണ്ടു,മറിഞ്ഞു,കുഴിയുണ്ടാക്കി കാലുകള്‍ അതിലിട്ടു മൂടി.കൈ കാലുകള്‍ കോച്ചുന്നുണ്ടെങ്കിലും അതു കാര്യമാക്കാതെ മലമുഴുവന്‍ കറങ്ങി..ഒത്തിരി ഫോട്ടോകള്‍ എടുത്തു.ജീവിതത്തിലെ ആദ്യത്തെ അനുഭവം - ഒരു പക്ഷെ അവസാനത്തേതും!

ചുറ്റുമുള്ള പര്‍വ്വതങ്ങള്‍ മഞ്ഞു കൊണ്ടു പുതപ്പിച്ചു കിടത്തിയിരിക്കയാണ്.പെട്ടന്നതാ കാലാവസ്ഥ മാറുന്നു.കാറ്റും ബസറും..മഴയും മഞ്ഞു കാറ്റും വന്നാല്‍ അപകടമാണ്.പിന്നെ ഒരോരുത്തരേയും തിടുക്കത്തില്‍ താഴേക്കിറക്കുകയാണ്.പര്‍വ്വതത്തിണ്ടെ ചെരിവുകളില്‍ കൂട്ടത്തോടെ ചെമ്മരിയാടുകള്‍ മേയുന്നുണ്ട്.ഗൊന്‍ഡോലയിലുള്ള യാത്രയും കാമറയില്‍ പകര്‍ത്തി.എന്നെങ്കിലും കുടുംബത്തെ ഇവിടെ കൊണ്ടു കാണിക്കണം.ഞാന്‍ ഒരുപാടു യാത്രകള്‍ നടത്തിയിട്ടുണ്ട്,പക്ഷെ ഈ യാത്രയോളം സ്മരണീയമായി മറ്റൊരു യാത്ര ഇനി ഉണ്ടാകാന്‍ പൊകുന്നില്ലാ എന്നതാണു സത്യം..
...salim kv...kvsmookkuthala@gmail.com

സമൂസ് നെറ്റ് വര്‍ക്കിലെ കുഞ്ഞുങ്ങളുടെ ഒരു ഡാന്‍സ്

2008-03-16T14:45:00.000-07:00

http://video.google.com/videoplay?docid=419541661156338203#
മുകളിലെ ലിങ്കില്‍ ക്ലിക്ക് ചെയ്യൂ..ആല്‍ബം ആസ്വദിക്കൂ.

http://video.google.com/videoplay?docid=4422944291965647679#
മുകളിലെ ലിങ്കില്‍ ക്ലിക്ക് ചെയ്യൂ..ആല്‍ബം ആസ്വദിക്കൂ

http://video.google.com/videoplay?docid=-3154829797811729041#
ലിങ്കില്‍ ക്ലിക്ക് ചെയ്യൂ
ബന്നാര്‍ഘട്ട കാട്ടിലൂടെ ഒരു യാത്ര(ബാംഗളൂര്‍) 2007

http://video.google.com/videoplay?docid=-7784928409652776221#

ഹനയുടെ ആദ്യ സ്റ്റേജ് പരിപാടി Nov 2008

2007-01-14T13:03:00.000-08:00

താങ്കള്‍ എന്ത് നേടി ??

നമ്മള്‍ ഒറ്റക്കും കൂട്ടായും ഒരു പാട് ചിന്തിച്ചു കൊണ്ടിരിക്കുന്ന ഒരു വിഷയമാണു നാമെന്ത് നേടിയെന്നത്. ഒട്ടുമിക്കവരുടേയും ഉത്തരം ട്ടപ്പൂജ്യമായിരിക്കും.വര്‍ഷ്ങള്‍ ഇടതടവില്ലാതെ പ്രവാസ ജീവിതം നയിക്കുന്ന നമ്മുട് അടുത്ത ചോദ്യം ഇനിയെന്തു നേടാമെന്നു മാണെന്നതില്‍ തര്‍ക്കമില്ല.നമ്മുക്കു വേണ്ടി നാം എന്തു ചെയ്തു എന്ന ചോദ്യം പ്രസക്തമാണിവിടെ! നമ്മുടെ അയ്യുസ്സിന്റെ കര്യത്തില്‍ നമുക്കു തീര്‍പു കല്പിക്കാന്‍ സാധ്യമല്ലെന്നു ആര്‍ക്കണറിയാത്തത് അല്ലെ ? ശരാശരി കേരളീയന്റെ വിഷിഷ്യ ഗള്‍ഫിയന്റെ അയുസ്സു 55 ആ‍ാണന്നിരിക്കെ നാം നമ്മൊടു നീതി പുലര്‍ത്തുന്നുവൊ ? എന്തു വെട്ടിപിടിക്കാനാണു നാം ഇനിയും ഈ മരുഭൂമിയില്‍ മനമുരുകി പെടാപാടു പെടുന്നത്?കഴിഞ്ഞു പോയ നാലുകളേ ക്കാള്‍ നമുക്കു ഗുണം ചെയ്യുമോ ഇനി വരുന്ന നളുകള്‍ ? നമ്മുടേ കുടുംബാംഗങ്ങളേ വിട്ടു പിരിഞു ഇനിയും ജീവിക്കണോ‍ ? താങ്കളുടെ അരോഗ്യത്തിന്റേ അസ്തമന നാളുകളിലെങ്കിലും കുടുംബാംഗ്ങളുമായി ജീവിക്കാന്‍ അഗ്രഹമുണ്ടെങ്കില്‍ എന്തിനാണു മടിച്ച്നില്‍ക്കുന്നത് ഈ മരുഭൂമിയില്‍ നിന്നു നാട്ടിലേക്കു ചേക്കേറാന്‍ ! ഇപ്പോള്‍ തങ്കള്‍ക്കു തൊന്നുന്നുവൊ ഇതെല്ലാം തനിക്കറിയാവുന്നതല്ലേ എന്ന്, അതെ നമൂക്കേവര്‍ക്കും അറിയാവുന്നതണ് എന്നാല്‍ ഇനി ചിന്തിക്കുക നാം നമ്മോടാണോ നീതി പുലര്‍ത്തുന്നത് അതൊ മറ്റാര്‍ക്കെങ്കിലും വെണ്ടിയോ ?
വാല്‍ക്കഷണം : ആര്‍ക്കൊക്കെയോ വേണ്ടി ആരൊക്കെയൊ ജീവിക്കുന്നില്ല! .

2007-01-14T13:02:00.000-08:00

നിറഞ്ഞ വയര്‍/ ഒഴിഞ്ഞ വയര്‍

‍സംത്ര് പ്തമായ നിറഞ്ഞ വയറോടെ വയറ്റില്‍ തലോടി ഞാന്‍ പാത്രങ്ങള്‍കഴുകുകയായിരുന്നു.ഇത്ര അടുത്ത കാലൊത്തൊന്നും ഇത്രത്തോളം മൂക്കുമുട്ടെആഹാരം കഴിച്ചിട്ടില്ലെന്നും ഓര്‍ത്തു.കറി പാത്രം കഴുകാനായി എടുത്തപ്പോഴാണുപല്ലി അതില്‍ ചത്തു കിടക്കുന്നതു കണ്ടത്.പിന്നീട് ഒഴിഞ്ഞ വയറോടെ വയറ്റില്‍തലോടി ഞാന്‍ വീണ്ടും ഓര്‍ത്തു അടുത്ത കാലത്തൊന്നും തന്നെ ഇത്രത്തോളംവൊമ്മിറ്റ് ചെയ്തിട്ടുണ്ടായിരിക്കില്ലാ എന്നും.

2007-01-14T13:00:00.000-08:00

വട്ട്

ഞാനാദ്ദ്യം നീളത്തില്‍ നടന്നു നോക്കി,പിന്നീടു സമചതുരത്തില്‍ നടന്നു.ശേഷം വ്ര് ത്താക്രിതിയിലും അന്നു തന്നെ വീണ്ടും വീണ്ടും ആവര്‍ത്തിച്ചു.അന്നേരമാണു എനിക്കു മനസ്സിലായത് എനിക്കു വട്ടുണ്ടെന്നും ഞാനൊരുവട്ടനായെന്നും.

2007-01-14T12:56:00.000-08:00

നിങ്ങളുടെ ആരോഗ്യം ആരാണു ശ്രദ്ദിക്കേണ്ടത് ?

എന്താണ്‌ ആരോഗ്യ പൂര്‍ണമായ ജീവിതരീതി ? ആരോഗ്യത്തിന്‌ ഹാനികരമാകുന്ന ഭക്ഷണരീതികളും (ഉദാഹരണത്തിന്നു ആവശ്യ മില്ലാതെ കടല വറു‍ത്തു കഴിക്കുക്,അതു കഴിക്കാനായിട്ടു അതു വറത്തു സംഭരിച്ചു വെക്കുക)ദുശ്ശീലങ്ങളും വര്‍ജിക്കുക,ശരിയായ ആഹാര രീതിയും ജീവിത ശൈലിയും സ്വീകരിക്കുക. ഭക്ഷണരീതി, ദുര്‍മ്മേദസ്സ്‌,വ്യായാമം, ഈ മൂന്നു കാര്യങ്ങള്‍ക്കാണ്‌ ഊന്നല്‍ കൊടുത്തത്‌. കിട്ടുന്നതെന്തും വലിച്ചുവാരിക്കഴിക്കുന്ന പ്രകൃതക്കാരാണ്‌ നമ്മള്‍.(ഇതെഴുതുന്ന ഞാനടക്കം) എന്തു കഴിക്കണമെന്നതിനെപ്പറ്റിയും എങ്ങനെ കഴിക്കണമെന്നതിനെപ്പറ്റിയും നാം ചിന്തിക്കേണ്ടതുണ്ട്. പ്രകൃതി നമുക്കു വേണ്ടി ഒരുക്കുന്ന ആഹാരമാണോ നാം കഴിക്കുന്നത്‌? വായ്ക്ക രുചിയുണ്ടെന്ന്‌ തോന്നുന്നതെന്തും മൂക്കറ്റം കഴിക്കുന്ന നിലപാട്‌ മാറ്റേണ്ടിയിരിക്കുന്നു. ഓരോ ജീവിക്കും അനുയോജ്യമായ ആഹാരം പ്രകൃതി ഒരുക്കുന്നുണ്ട്‌.മാംസ്യം അന്നജം, കൊഴുപ്പ്‌, ധാതുലവണങ്ങള്‍, ജീവകങ്ങള്‍ തുടങ്ങിയ പോഷക ഘടകങ്ങള്‍ നിശ്ചിത അനുപാതത്തില്‍ അടങ്ങുന്ന ഭക്ഷണപദാര്‍ത്ഥമാണ്‌ നാം കഴിക്കേണ്ടത്‌. ഈ അനുപാതത്തിന്റെ അളവു തെറ്റിയാല്‍ നമ്മുടെ ശരീരത്തിനതൊരു ഭീഷണിയാകും(കുടവയര്‍ അതിന്റെ ഒരു ലക്ഷ് ണമാണ്).ആവശ്യത്തിലധികം ആഹരിക്കുമ്പോള്‍ ദുര്‍മ്മേദസ്സും കുടവയറും അനുബന്ധരോഗങ്ങളും ഉണ്ടാകുന്നു. ഹൃദ്രോഗികള്‍ക്ക്‌ ഭീഷണിയാകുന്ന കൊളസ്ട്രോള്‍ രക്തത്തിലുമുള്ള കൊഴുപ്പു പോലുള്ള പദാര്‍ത്ഥമാണ്‌. കൊളസ്ട്രോളിന്റെ അളവ്‌ മനുഷ്യ ശരീരത്തില്‍ നിശ്ചിത പരിധികഴിഞ്ഞാല്‍ മാരകമായ പല രോഗങ്ങള്‍ക്കും കാരണമാകും. ചീത്ത കൊളസ്ട്രോളായ എല്‍.ഡി.എല്‍ രക്തത്തില്‍ അധികമായാല്‍ അവ ധമനികളുടെ പാളികളില്‍ അടിഞ്ഞു കൂടുകയും അകത്തെ വ്യാസം ചെറുതാവുകയും ചെയ്യുന്നു. അതോടെ ധമനികളിലൂടെയുള്ള രക്തസഞ്ചാരം ദുഷ്കരമാകുന്നു. ഇതാണ്‌ നെഞ്ചുവേദനയുടേയും ഹാര്‍ട്ടറ്റാക്കിന്റേയും തുടക്കം. എണ്ണമറ്റ രോഗങ്ങളിലേക്ക്‌ നമ്മെ വലിച്ചിഴക്കുന്ന വ്യായാമരഹിതമായ ജീവിതത്തിനെതിരെ വിട്ടു വീഴ്ചയില്ലാത്ത സമരം നാം ഈ ഫ്ലാറ്റില്‍ നമ്മുടെ സുഹ്രുത്തുക്കളുടെ ഇടയില്‍ നടത്തേണ്ടതുണ്ട്.വ്യായാമരഹിതമായ ജീവിതം രോഗങ്ങളെ മാടി വിളിക്കുകയാണ്‌. നിത്യേന നാം ചെയ്യുന്ന ജോലി വേണ്ടത്ര വ്യായാമം നല്‍കുന്നില്ല.(ഫ്ലാറ്റിലെ ചുരുക്കം ചിലര്‍ക്കൊഴിച്ച്) ഹൃദയത്തിനോ ശ്വാസകോശങ്ങള്‍ക്കോ വേണ്ടത്ര പ്രയോജനം കിട്ടണമെങ്കില്‍ കൃത്യവും ഊര്‍ജസ്വലവുമായ വ്യായാമ പദ്ധതി സംവിധാനം ചെയ്യണം. ഓര്ത്തുനോക്കൂ നമ്മള്‍ ശ്വാസം വിടുന്നതു പോലും നാമറിയുന്നില്ല.വേഗത്തില്‍ നടക്കുക, നീന്തുക, സൈക്കിള്‍ ചവിട്ടുക,വെള്ളത്തില്‍ വളരെ നേരം പൊങ്ങിക്കിടക്കുക.. തുടങ്ങിയ വ്യായാമ രീതികളാണ്‌ വേണ്ടത്‌. ഇതിന്‌ മാരത്തോണ്‍ ഓട്ടക്കാരനാകണമെന്നില്ല. കൃത്യമായി മേല്‍പ്പറഞ്ഞ വ്യായാമ മുറകള്‍ അരമണിക്കൂറെങ്കിലും ആഴ്ചയില്‍ മൂന്നോ നാലോ പ്രാവശ്യം ചെയ്യണമെന്നു മാത്രം. അതു പോലെ നാം നമ്മുടെ മെസ്സില്‍ ഭക്ഷണത്തിന്റെ അളവു കുറക്കുകയും വേണ്ടിവരും എന്നുകൂടി പറയാതെ വയ്യ. kvsmookkuthala

മുസാണ്ടം ചില ചിത്രങ്ങള്‍

2007-01-13T23:20:00.000-08:00

എന്റെ ബാല്യം

2007-01-13T23:14:00.000-08:00

ഏവര്‍ക്കും...
ഓര്‍മ്മയില്‍ നിന്നും ബാല്യകാലത്തെ

പുനര്‍ജ്ജീവിപ്പിക്കാനുള്ള ഒരു ചെറിയ ശ്രമം

കുട്ടിക്കാലം,എന്റെ സ്കൂള്‍,കോളേജ്,ബാംഗളൂര്‍ പഠനം,ത്രിശൂര്‍ മെഡിക്കല്‍ കോളേജ് ,ബുക് ബൈന്‍ഡിങ്ങ് ,പൊന്നാനി കെ എം കെ മെഡിക്കല്‍സ്,ഗുരുവായൂര്‍ ശങ്കര്‍ മെഡിക്കല്‍സ്,പൊന്നാനി കാഡ്ബ്രോസ്,ഇ എസ് ഐ ഡിസ്പന്‍സറി കുറ്റിപ്പുറം,എസ് എച്ച് സി മാറാക്കര,സ്വപ്ന മെഡിക്കല്‍സ് ചങരംകുളം,സഫ ട്രാവല്‍സ്,

ന്യു ഷഹാമ ഫാര്‍മസി ദുബായ്,ഡാണ്‍ ഫര്‍മസി,അല്‍ മുസ്ലിം,അല്‍ ജസീറ,മത്തീന,അല്‍ ഫറാബി,വേള്‍ഡ്,കൊപ്പറേറ്റ്,അല്‍ വാസല്‍ കിസ്സേഴ്സ്,അല്‍ ഗദീര്‍ അബുദാബി,എം എസ് എസ് പൊന്നാനി,പ്രതീക്ഷ എടപ്പാള്‍,സ്വാന്തനം മാന്തടം,മോതി മഹല്‍ ജ്വല്ലറി ചങ്ങരംകുളംഅങ്ങിനെ........ പോകുന്നു......

എന്റെ യാത്രകള്‍...

എന്റെ കയ്യില്‍ ഒട്ടനവധി എഴുതിയതുണ്ട്,ഇനി എഴുതാനുണ്ട്..എഴുതിക്കൊണ്ടിരിക്കുന്നു.

എന്റെ യാത്രകള്‍....

അതിരപ്പള്ളി - വാഴാച്ചാല്‍,വയനാട്,സൈലന്റ് വാലി,

മുംബൈ,കല്‍ക്ക - ഷിംല,സാംഗ്ലി,ആഗ്ര ഡെല്‍ഹി,ജമ്മു&കാശ്മീര്‍

തിരുവനന്തപുരം - കന്യാകുമാരി,ഊട്ടി,ബാംഗളൂര് - ‍ബന്നാര്‍ഘട്ട
ഇതൊക്കെ എന്നൊക്കെ എഴുതി തീര്‍ക്കാന്‍ പറ്റുമെന്ന് ഒരു നിശ്ചയവുമില്ല..

എന്റെ യാത്രകള്‍പോലെ തന്നെ അതു ഞാന്‍ എത്ര ആവര്‍ത്തി വായിക്കുമ്പോളും ആഹ്ലാദവാനാകുന്നു.

അതെല്ലാം ഇനി ബ്ലോഗിലേക്കു പകര്‍ത്തേണ്ടതുണ്ട്.
അള്ളാഹുവിന്റെ കാരുണ്യമുണ്ടെങ്കില്‍ എന്റെ ജീവിതത്തില്‍ നല്ലൊരു പങ്കും യാത്രകള്‍ക്കായി മാറ്റിവെക്കപ്പെടുമെന്നത് തീര്‍ച്ച!
ഈയുള്ളവനോടു സഞ്ചാരത്തില്‍ താല്‍പ്പര്യമുണ്ടെങ്കില്‍ ബന്ധപ്പെടാം..
മെയില്‍ ഐ ഡി kvsmookkuthala@gmail.com